വൈക്കം : എസ്.എൻ.ഡി.പി യോഗം തലയാഴം വടക്കേക്കര 1344ാം നമ്പർ ശാഖയിലെ ഗുരുചൈതന്യ കുടുംബയൂണിറ്റിന്റെ വാർഷികവും സ്‌കോളർഷിപ്പ് വിതരണവും കുടുംബസംഗമവും നടത്തി. വൈക്കം യൂണിയൻ പ്രസിഡന്റ് പി.വി ബിനേഷ് യോഗം ഉദ്ഘാടനം ചെയ്തു.ശാഖ പ്രസിഡന്റ് ടി.പി.സുഖലാൽ തളിശ്ശേരിത്തറ അദ്ധ്യക്ഷത വഹിച്ചു. 2019 - 20 വർഷത്തിലെ എസ്.എസ്.എൽ.സി പരീക്ഷയിൽ യൂണിറ്റ് തലത്തിൽ മികച്ച വിജയം നേടിയ വിദ്യാർത്ഥികൾക്ക് സ്‌കോളർഷിപ്പ് വിതരണം ചെയ്തു. വൈക്കം മുരളി ഗുരുദർശന പ്രഭാഷണം നടത്തി. യൂണിറ്റ് ചെയർമാൻ ഇ.ആർ സുരേഷ്, കൺവീനർ സിന്ധു സുരേഷ്, ബിജു അയ്ക്കരപ്പടി, ദിനേശൻ കാട്ടുശ്ശേരിത്തറ, വനിതാസംഘം പ്രസിഡന്റ് വിജി ഈരത്തറ, സെക്രട്ടറി കാഞ്ചന എന്നിവർ പ്രസംഗിച്ചു.