കോട്ടയം. വിഷു, ഈസ്റ്റർ, റംസാൻ ആഘോഷത്തോടനുബന്ധിച്ചുള്ള ഖാദിമേള ബോർഡ് അംഗം സി.കെ.ശശിധരൻ ഉദ്ഘാടനം ചെയ്തു. ആർ.രമ്യയ്ക്ക് ഖാദി വസ്ത്രങ്ങൾ നൽകി ഖാദി ബോർഡ് അംഗം കെ.എസ്. രമേശ് ബാബു ആദ്യവിൽപന നിർവ്വഹിച്ചു. പ്രോജക്ട് ഓഫീസർ ഷാജി ജേക്കബ്, തോമസ് സക്കറിയ എന്നിവർ സംസാരിച്ചു. സാരി, ഷർട്ട് തുണി, ചുരിദാർ തുണി, ബെഡ് ഷീറ്റ് , മുണ്ട് , തോർത്ത്, റെഡിമെയ്ഡ് ഷർട്ടുകൾ എന്നിവയ്ക്ക് മേയ് മൂന്നു വരെ 30 ശതമാനം സർക്കാർ റിബേറ്റ് ലഭിക്കും. സർക്കാർ, അർദ്ധസർക്കാർ, പൊതുമേഖല, സഹകരണ മേഖലാ സ്ഥാപനങ്ങളിലെ ജീവനക്കാർക്ക് ക്രെഡിറ്റ് സൗകര്യവും ലഭ്യമാണ്.