മുണ്ടക്കയം : കു​ട്ടി​ക​ളു​ടെ ക​ളി​സ്ഥ​ല​ത്ത് മെ​റ്റ​ിൽക്കൂന​ക​ൾ ഇ​റ​ക്കി​യ​തി​ൽ പ്ര​തി​ഷേ​ധ​വു​മാ​യി നാ​ട്ടു​കാ​ർ രം​ഗ​ത്ത്. കൊ​ക്ക​യാ​ർ പ​ഞ്ചാ​യ​ത്തി​ലെ ക​ന​ക​പു​രം വാ​ർ​ഡി​ലാ​ണ് കു​ട്ടി​ക​ൾ ക​ളി​ക്കാ​ൻ ഉ​പ​യോ​ഗി​ക്കു​ന്ന മൈ​താ​ന​ത്ത് വ​ലി​യ​തോ​തി​ൽ മെ​റ്റി​ലു​ക​ൾ ഇ​റ​ക്കി​യി​രി​ക്കു​ന്ന​ത്. രാ​ത്രി​യി​ൽ വ​ലി​യ ലോ​റി​യി​ൽ മൈ​താ​ന​ത്തി​ന്‍റെ പ​ല​ഭാ​ഗ​ങ്ങ​ളി​ലും ലോ​ഡു​ക​ണ​ക്കി​ന് മെ​റ്റി​ലാ​ണ് ഇ​റ​ക്കി​യി​രി​ക്കു​ന്ന​ത്. ഇ​റ​ക്കി​യ​തെ​ന്ന് ആരെണെന്ന് പ്രദേശവാസികൾക്കും അറിയില്ല. പ​ഞ്ചാ​യ​ത്തി​ന്‍റെ അ​റി​വോ​ടെ​യാ​ണ് ഇ​ത് ന​ട​ന്നി​രി​ക്കു​ന്ന​തെ​ന്നാ​ണ് നാ​ട്ടു​കാ​ർ കു​റ്റ​പ്പെ​ടു​ത്തു​ന്ന​ത്. പ്ര​ദേ​ശ​വാ​സി​ക​ൾ രാ​വി​ലെ വ്യാ​യാ​മ​ത്തി​നും ഡ്രൈ​വിം​ഗ് പ​ഠി​ക്കു​ന്ന​ത്തി​നും ​മൈ​താ​ന​ത്തി​നെ​യാ​യി​രു​ന്നു ആ​ശ്ര​യി​ച്ചി​രു​ന്ന​ത്. ഇ​തു​സം​ബ​ന്ധി​ച്ച് പ​ഞ്ചാ​യ​ത്തി​ൽ പ​രാ​തി ന​ൽ​കി​യെ​ങ്കി​ലും ജി​ല്ലാ ക​ള​ക്ട​റു​ടെ നി​ർദ്ദേ​ശ​പ്ര​കാ​ര​മാ​ണ് മെ​റ്റി​ൽ ഇ​റ​ക്കി​യ​തെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ച​ത്. എ​ന്നാ​ൽ, ക​ള​ക്ട​റു​മാ​യി ബ​ന്ധ​പ്പെ​ട്ട​പ്പോ​ൾ ഇ​ത്ത​ര​മൊ​രു നി​ർ​ദ്ദേ​ശം ന​ൽ​കി​യി​ട്ടി​ല്ലെ​ന്നാ​ണ് അ​റി​യി​ച്ചത്. മൈ​താ​ന​ത്തെ മെ​റ്റി​ലു​ക​ൾ മാ​റ്റി​യി​ല്ലെ​ങ്കി​ൽ ശ​ക്ത​മാ​യ പ്ര​തി​ഷേ​ധം സം​ഘ​ടി​പ്പി​ക്കു​മെ​ന്നും നാ​ട്ടു​കാ​ർ പ​റ​ഞ്ഞു.