തിരുവാർപ്പ് : തിരുവാർപ്പ് ശ്രീകൃഷ്ണ സ്വാമി ക്ഷേത്രത്തിൽ ഉത്സവം 14 മുതൽ 23 വരെ നടക്കും. 14 ന് രാവിലെ 8 ന് മേടരവിസംക്രമപൂജ, 9 നും 10.50 നും മദ്ധ്യേ തന്ത്രി ഭദ്രകാളി മറ്റപ്പിള്ളി നാരായണൻ നമ്പൂതിരിയുടെ മുഖ്യകാർമ്മികത്വത്തിൽ മേൽശാന്തിമാരായ മുളവേലിപ്പുറത്തുമന ഹരി നമ്പൂതിരി, വേണു ജി.നമ്പൂതിരി കല്ലമ്പള്ളി ഇല്ലം കാടമുറി കൊടിയേറ്റ്. 4.30 ന് ഗജരാജന് സ്വീകരണം, 5.30 ന് ആനയോട്ടം, 8 ന് ഭക്തിഗാനമേള, 9 ന് വിളക്ക്, 10.30 ന് ഓട്ടൻതുള്ളൽ, പൊതുസമ്മേളനം മന്ത്രി വി.എൻ വാസവൻ ഉദ്ഘാടനം ചെയ്യും. ഉപദേശകസമിതി പ്രസിഡന്റ് എ.കെ രവീന്ദ്രൻ അദ്ധ്യക്ഷത വഹിക്കും. വാവാ സുരേഷ് മുഖ്യാതിഥിയാകും. തിരുവഞ്ചൂർ രാധാകൃഷ്ണൻ എം.എൽ.എ, അജയൻ കെ.മേനോൻ, റാണി പുഷ്പാകരൻ, പി.എൻ ഹരി എന്നിവർ പങ്കെടുക്കും. സെക്രട്ടറി സജീഷ് പറത്താനം സ്വാഗതവും വൈസ് പ്രസിഡന്റ് പി.കെ രഞ്ജീവ് നന്ദിയും പറയും.

15 ന് രാവിലെ 9 ന് വിഷുവിളക്ക്, 8 ന് സംഗീതസദസ്, 8 ന് നൃത്തനൃത്യങ്ങൾ, 10 ന് പാട്ട് വരമ്പ്. 16 ന് രാവിലെ 9 ന് വിളക്ക്, വൈകിട്ട് 6.30 മുതൽ മേജർസെറ്റ് കഥകളി. 17 ന് വൈകിട്ട് 5 ന് വിൽപ്പാട്ട്, 7.30 ന് മേജർസെറ്റ് കഥകളി. 18 ന് 9.30 ന് വലിയവിളക്ക്, 7 ന് ക്ലാസിക്കൽ ഡാൻസ് ആൻഡ് കാരിക്കേച്ചർ ഷോ, 10 ന് നൃത്തസന്ധ്യ. 19 ന് രാവിലെ 9 ന് മാതൃക്കയിൽ ദർശനം, 12 ന് പുറപ്പാട് സദ്യ, 6 ന് സോപാനസംഗീതം, 7ന് അന്നദാനം, 9 മുതൽ അഞ്ചാം പുറപ്പാട്, 10 ന് ബാലെ, 10.30 ന് ഓട്ടൻതുള്ളൽ, 12 ന് ആകാശവിസ്മയം. 20 ന് രാവിലെ 9 ന് വടക്കോട്ടുപുറപ്പാട്, 10 ന് നാടകം. 21 ന് രാവിലെ 9 ന് കിഴക്കോട്ട് പുറപ്പാട്, 7 ന് നൃത്തനൃത്യങ്ങൾ, 10 ന് ഗാനമേള. 22 ന് 9 ന് മാതൃക്കയിൽ ദർശനം, വൈകിട്ട് 4 ന് വേലയ്‌ക്കെഴുന്നള്ളിപ്പ്, 9 മുതൽ തെക്കോട്ടുപുറപ്പാട്, 1 ന് ആനയോട്ടം, 7.30 ന് സംഗീതസദസ്, 8.30 ന് നൃത്തനൃത്യങ്ങൾ, 10 ന് നേർമൊഴികൾ. 23 ന് വൈകിട്ട് 4 ന് ആറാട്ട്ബലി, 5 ന് ആനയിരുത്തിപ്പൂജ, 5 ന് പ്രഭാഷണം, സാംസ്‌കാരിക സമ്മേളനം ദേവസ്വം ബോർഡ് പ്രസിഡന്റ് അനന്തഗോപൻ ഉദ്ഘാടനം ചെയ്യും. തിരുവാർപ്പ് പഞ്ചായത്ത് പ്രസിഡന്റ് അജയൻ കെ.മേനോൻ അദ്ധ്യക്ഷത വഹിക്കും. ദേവസ്വം ബോർഡ് മെമ്പർ പി.എം തങ്കപ്പൻ മുഖ്യാതിഥിയാകും. അഡ്വ.കെ അനിൽകുമാർ, ഇ.എ സുലൈമാൻ മൗലവി, ഫാ.ജോസഫ് മുളവന, അഡ്വ.സിന്ധു ഗോപാലകൃഷ്ണൻ, എ.എം ബൈജു, ടി.കെ ചന്ദ്രബാബു, ശിവൻപിള്ള,എ.കെ രവീന്ദ്രൻ എന്നിവർ പങ്കെടുക്കും. 10 ന് ആറാട്ട്, 8.30 ന് ഭക്തിഗാനമേള ആൻഡ് മെലഡി സോംഗ്‌സ്, 9.30 ന് മെഗാഷോ, കൊടിയിറക്ക്.