വൈക്കം : തോട്ടകം സർവീസ് സഹകരണ ബാങ്കിന്റെ നേതൃത്വത്തിലുള്ള കൺസ്യൂമർഫെഡ് വിഷു ഈസ്റ്റർ വിപണിയുടെ ഉദ്ഘാടനം ബാങ്ക് പ്രസിഡന്റ് എം.ഡി ബാബുരാജ് നിർവഹിച്ചു. ബാങ്കിന്റെ നീതി സ്​റ്റോർ വഴിയാണ് 13 നിത്യോപയോഗ സാധനങ്ങൾ അടങ്ങിയ പലവ്യഞ്ജനങ്ങളുടെ കി​റ്റ് സബ്‌സിഡി നിരക്കിൽ വിതരണം ആരംഭിച്ചത്. വൈസ് പ്രസിഡന്റ് എം.എസ്ശിവജി അദ്ധ്യക്ഷത വഹിച്ചു. ഡയറക്ടർ ബോർഡ് അംഗങ്ങളായ കെ.രാധാകൃഷ്ണൻ നായർ, സുജാത മധു, പി.എസ്.മുരളീധരൻ, അഡ്വ.കെ.ജി.പ്രദീപൻ, അന്നക്കുട്ടി ജോൺ, ബാങ്ക് സെക്രട്ടറി കെ.ഷിജു, സോമൻ, സുനിൽ എന്നിവർ പ്രസംഗിച്ചു.