പൊൻകുന്നം: ചിറക്കടവ് ഗ്രാമപഞ്ചായത്തിൽ ഗവ.ചീഫ്. വിപ്പ് ഡോ: എൻ ജയരാജ് എം.എൽ.എയുടെ 2020,2021 ആസ്തി വികസന ഫണ്ടിൽ നിന്നും അനുവദിച്ച എൽ. ഇ. ഡി മിനി മാസ്റ്റ് ലൈറ്റുകളുടെ ഉദ്ഘാടനം നടന്നു. കളമ്പുകാട്ട് കവല, ഒന്നാം മൈൽ, അട്ടിക്കൽ, പഴയചന്ത എന്നിവടങ്ങളിലാണ് ലൈറ്റുകൾ സ്ഥാപിച്ചിരിക്കുന്നത്. ഗവ.ചീഫ്. വിപ്പ് ഡോ:എൻ ജയരാജ് ലൈറ്റുകളുടെ സ്വിച്ച് ഓൺ കർമ്മം നിർവഹിച്ചു.ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ: സി. ആർ. ശ്രീകുമാർ, വൈസ് പ്രസിഡന്റ് സതി സുരേന്ദ്രൻ, സ്ഥിരം സമിതി അധ്യക്ഷൻ സുമേഷ് ആൻഡ്രൂസ്, ഗ്രാമപഞ്ചായത്തംഗങ്ങളായ അംഗങ്ങളായ കെ.എ എബ്രഹാം, ഷാക്കി സജീവ്, ടി എസ് ബാബുരാജ്, മാത്തുക്കുട്ടി പൂവത്താനിൽ എന്നിവർ പങ്കെടുത്തു.