ചങ്ങനാശേരി : തൃക്കൊടിത്താനം ശ്രീഗുരുഗുഹാനന്ദപുരം ക്ഷേത്രത്തിലെ ഉത്സവം എസ്.എൻ.ഡി.പി യോഗം 59, 1348, 1349 -ാം നമ്പർ ശാഖകളുടെ നേതൃത്വത്തിൽ 28 ന് ആരംഭിച്ച് മേയ് 5 ന് സമാപിക്കും. 28 ന് രാവിലെ 7.45 ന് കൊടിയേറ്റ്. 29 ന് വൈകിട്ട് 7 ന് നടക്കുന്ന സമ്മേളനം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. ക്ഷേത്രം യോഗം പ്രസിഡന്റ് എം.വി.സുകുമാരൻ അദ്ധ്യക്ഷത വഹിക്കും. കുറിച്ചി അദ്വൈത വിദ്യാശ്രമം സെക്രട്ടറി സ്വാമി കൈവല്ല്യാനന്ദ സരസ്വതി അനുഗ്രഹപ്രഭാഷണം നടത്തും. യൂണിയൻ വൈസ് പ്രസിഡന്റ് പി.എം.ചന്ദ്രൻ മുഖ്യപ്രഭാഷണവും, സെക്രട്ടറി സുരേഷ് പരമേശ്വരൻ അവാർഡ് വിതരണവും നിർവഹിക്കും. കോലേട്ട് കെ.എ.തോമസുകുട്ടി വിദ്യാഭ്യാസ കാഷ് അവാർഡ് സമർപ്പിക്കും. ഉത്സവ കമ്മിറ്റി ചെയർമാൻ സി.ജി.പവിത്രൻ, 59-ാം നമ്പർ ശാഖ പ്രസിഡന്റ് എ.ജി.ഷാജി, 1348-ാം നമ്പർ ശാഖ പ്രസിഡന്റ് അശോക് കുമാർ, 1349-ാം നമ്പർ ശാഖ പ്രസിഡന്റ് എ.പി.രാജൻ, സെക്രട്ടറിമാരായ കെ.എസ്.ഷാജി, രതീഷ്, റ്റി.ആനന്ദൻ, എം.വി. സുകുമാരൻ, എം.സുഭാഷ് തുടങ്ങിയവർ പങ്കെടുക്കും. 30 ന് വൈകിട്ട് 7 ന് ശ്രീ ശാരദകുമാരി സംഘത്തിന്റെ ഭജൻസ്. മേയ് 1 ന് ദേവനടനവും, 2ന് ഹിഡുംബൻപൂജയും, തുടർന്ന് 59 -ാം നമ്പർ ശാഖയിലെ വനിതകളുടെ തിരുവാതിരയും, ശേഷം ന്യത്തസന്ധ്യയും. മേയ് 3 ന് വൈകിട്ട് 5.30 ന് താലപ്പൊലി ഘോഷയാത്ര രാത്രി 8ന് കുന്നുംപുറത്ത് എത്തിച്ചേരും. തുടർന്ന് ഗുരു ഗുഹാനന്ദപുരം ക്ഷേത്രത്തിൽ വരവേൽപ്പ്. മേയ് 5 ന് ആറാട്ട്. വൈകിട്ട് 7 ന് ഗാനമേള, സുവർണ്ണ ഗീതങ്ങൾ എന്നീ പരിപാടികളോടെ ഉത്സവ ആഘോഷങ്ങൾ സമാപിക്കുമെന്ന് ക്ഷേത്രയോഗം ഭാരവാഹികളായ പ്രസിഡന്റ് എം.വി.സുകുമാരൻ, സെക്രട്ടറി കെ.രാധാക്യഷ്ണൻ, ഖജാൻജി എം.സുഭാഷ്, ഉത്സവ കമ്മറ്റി ചെയർമാൻ സി.ജി.പവിത്രൻ എന്നിവർ അറിയിച്ചു.