തലയോലപ്പറമ്പ് . സംസ്ഥാന സർക്കാരിന്റെ നൂറ് ദിന കർമ്മപരിപാടിയുടെ ഭാഗമായി നടപ്പാക്കുന്ന ഞങ്ങളും കൃഷിയിലേക്ക് പദ്ധതിയുടെ ചെമ്പ് പഞ്ചായത്തുതല ഉദ്ഘാടനം നടത്തി. ബ്രഹ്മമംഗലം സൂര്യാ ഓഡി​റ്റോറിയത്തിൽ നടന്ന പരിപാടിയിൽ കർഷകർ പരമ്പരാഗതമായി കൈവശമുളള അന്യം നിന്ന് പോയിക്കൊണ്ടിരിക്കുന്ന വിത്തുകൾ പരസ്പരം കൈമാറി. സി കെ ആശ എം എൽ എ യോഗം ഉദ്ഘാടനം ചെയ്തു. ചെമ്പ് പഞ്ചായത്ത് പ്രസിഡന്റ് സുകന്യാ സുകുമാരൻ അദ്ധ്യക്ഷത വഹിച്ചു. കെ കെ രമേശൻ, എം കെ ശ്രീമോൻ , ശാലിനി മധു, സുനിൽ മുണ്ടയ്ക്കൽ, കെ വി പ്രകാശൻ, രാഗിണി ഗോപി , ലയാ ചന്ദ്രൻ , ലതാ അനിൽകുമാർ , രഞ്ജിനി ബാബു, സുനിത അജിത്ത് എന്നിവർ സംസാരിച്ചു.