എരുമേലി: എരുമേലിയിൽ ഗസ്റ്റ് ഹൗസിനോട് ചേർന്ന് പുതുതായി നിർമ്മിച്ച പുതിയ ബ്ലോക്കിന്റെ ഉദ്ഘാടനം അടുത്ത മാസം വകുപ്പുമന്ത്രി നിർവഹിക്കുമെന്ന് അഡ്വ. സെബാസ്റ്റ്യൻ കുളത്തുങ്കൽ എം.എൽ.എ പറഞ്ഞു. ഒരു കോടി 70 ലക്ഷം രൂപ ചെലവിൽ നിർമ്മിച്ച പുതിയ ബ്ലോക്കിൽ ആറ് മുറികളാണ് ഒരുക്കിയിരിക്കുന്നത്. രണ്ട് നിലകളിലായി നിർമ്മിച്ചിരിക്കുന്ന ബ്ലോക്കിൽ ആധുനിക സൗകര്യങ്ങളോടുകൂടിയ ഓരോ മുറികളും മറ്റ് നാല് മുറികളുമാണ് ഉൾപ്പെടുത്തിയിരിക്കുന്നത് .എരുമേലി ഗസ്റ്റ് ഹൗസിന്റെ സൗകര്യം പൊതുജനങ്ങൾക്ക് പ്രയോജനപ്പെടുത്താനാകുമെന്നും എം.എൽ.എ പറഞ്ഞു.