കൊച്ചി: മെയ്ഡ് ഇൻ ഇന്ത്യ നിസാൻ മാഗ്‌നൈറ്റിന്റെ ഉത്പാദനം 50,000 യൂണിറ്റുകളെന്ന നാഴികക്കല്ല് പിന്നിട്ടു. ചെന്നൈയിലെ റെനോ-നിസാൻ പ്ളാന്റിൽ നിന്നാണ് ഈ സബ്-കോംപാക്‌റ്റ് എസ്.യു.വിയുടെ 50,000-ാമത്തെ യൂണിറ്റ് വില്പനയ്ക്കെത്തിയത്.
നിസാന്റെ നെക്‌സ്‌റ്റ് ട്രാൻസ്‌ഫർമേഷൻ പദ്ധതിക്ക് കീഴിൽ ആഗോള വിപണിയിലെത്തിയ ആദ്യ മോഡലാണ് മാഗ്‌നൈറ്റ്. ഗ്ളോബൽ എൻ.സി.എ.പിയുടെ സുരക്ഷാ ടെസ്‌റ്റിൽ 4-സ്‌റ്റാർ റേറ്റിംഗ് സ്വന്തമാക്കിയ പെരുമ കൂടിയുണ്ട് നിസാൻ മാഗ്‌നൈറ്റിന്.
ഇന്ത്യയിൽ നിന്ന് 15 രാജ്യങ്ങളിലേക്ക് മാഗ്‌നൈറ്റ് കയറ്റുമതി ചെയ്യപ്പെടുന്നുണ്ട്. സൗത്ത് ആഫ്രിക്ക,​ ഇൻഡോനേഷ്യ,​ നേപ്പാൾ,​ ഭൂട്ടാൻ,​ ബംഗ്ളാദേശ്,​ ശ്രീലങ്ക,​ ബ്രൂണേയ്,​ ഉഗാണ്ട,​ കെനിയ,​ സീഷെൽസ്,​ മൊസാംബിക്,​ സാംബിയ,​ മൗറീഷ്യസ്,​ ടാൻസാനിയ,​ മലാവി എന്നിവയാണ് മുഖ്യ വിപണികൾ.
രണ്ട് പെട്രോൾ എൻജിൻ പതിപ്പുകളാണ് നിസാൻ മാഗ്‌നൈറ്റിനുള്ളത്.