ബംഗളൂരു: അടുത്ത വർഷം അവസാനത്തോടെ കോൺഗ്രസ് കർണാടകയിൽ അധികാരത്തിൽ തിരിച്ചെത്തുമെന്ന് പ്രസ്താവിച്ച് കോൺഗ്രസ് അദ്ധ്യക്ഷൻ ഡി കെ ശിവകുമാർ. അധികാരത്തിലെത്തിയ ശേഷം രാജ്യത്തെ ഏറ്റവും മികച്ച നഗരമെന്ന ബംഗളൂരൂവിന്റെ ഖ്യാതി വീണ്ടെടുക്കുമെന്നും അദ്ദേഹം പറഞ്ഞു. ബംഗളൂരുവിലെ സ്റ്റാർട്ടപ്പുകൾ നേരിടുന്ന പ്രശ്നങ്ങളെക്കുറിച്ച് സംരംഭകനായ രവീഷ് നരേഷ് പോസ്റ്റ് ചെയ്ത ട്വീറ്റിനോട് പ്രിതികരിച്ചുകൊണ്ട് പുതിയ ടെക്ക് സ്റ്റാർട്ടപ്പുകളോട് ഹൈദരാബാദിലേക്ക് മാറാൻ തെലങ്കാന നഗര വികസന മന്ത്രി രാമറാവു ആവശ്യപ്പെട്ടിരിന്നു. ഇതിനു പിന്നാലെയാണ് ശിവകുമാറിന്റെ ഈ പരാമർശം.
.@ktrtrs, my friend, I accept your challenge. By the end of 2023, with Congress back in power in Karnataka, we will restore the glory of Bengaluru as India’s best city. https://t.co/HFn8cQIlGS
— DK Shivakumar (@DKShivakumar) April 4, 2022
വർഷം കോടിക്കണക്കിന് നികുതിയാണ് ബംഗളൂരുവിലെ സ്റ്റാർട്ടപ്പുകൾ സംസ്ഥാനത്തിന് നൽകുന്നത്. എന്നാൽ തങ്ങൾക്ക് മോശം റോഡുകളും, ദിവസേനയുള്ള പവർകട്ടുമൊക്കെയാണ് ഫലമെന്നാണ് രവീഷ് നരേഷ് ട്വീറ്റ് ചെയ്തത്. ഇതിന് മറുപടിയായാണ് രാമറാവു സ്റ്റാർട്ടപ്പുകളോട് ഹൈദരാബാദിലേക്ക് മാറാൻ ആഹ്വാനം ചെയ്തത്. ഇതിനെ ഒരു വെല്ലുവിളിയായി കണ്ടുകൊണ്ടാണ് ശിവകുമാറിന്റെ പ്രതികരണം.
Pack your bags & move to Hyderabad! We have better physical infrastructure & equally good social infrastructure. Our airport is 1 of the best & getting in & out of city is a breeze
— KTR (@KTRTRS) March 31, 2022
More importantly our Govt’s focus is on 3 i Mantra; innovation, infrastructure & inclusive growth https://t.co/RPVALrl0QB
കർണാടകയിലെ രാഷ്ട്രീയത്തെക്കുറിച്ച് തനിക്ക് കൂടുതലൊന്നും അറിയില്ലെന്നും എന്നാൽ വെല്ലുവിളികൾ സ്വീകരിക്കുന്നുവെന്നും ശിവകുമാറിന് മറുമടിയായി രാമറാവു പറഞ്ഞു. യുവാക്കൾക്ക് തൊഴിലവസരങ്ങൾ സൃഷ്ടിക്കുന്നതിലും രാജ്യത്തിന്റെ സമൃദ്ധി വർദ്ധിപ്പിക്കുന്നതിൽ ഹൈദരാബാദും ബംഗളൂരുവും ആരോഗ്യകരമായ മത്സരം കാഴ്ചവയ്ക്കട്ടെ. ഹിജാബിലും ഹലാലിലും അല്ല, അടിസ്ഥാന വികസനത്തിലും സാങ്കേതിക വികസനത്തിലുമാണ് ശ്രദ്ധ കേന്ദ്രീകരിക്കേണ്ടതെന്നും അദ്ദേഹം കൂട്ടിച്ചേർത്തു.
Dear @DKShivakumar Anna, I don’t know much about politics of Karnataka & who will win but challenge accepted👍
— KTR (@KTRTRS) April 4, 2022
Let Hyderabad & Bengaluru compete healthily on creating jobs for our youngsters & prosperity for our great nation
Let’s focus on infra, IT&BT, not on Halal & Hijab https://t.co/efUkIzKemT