തൃശൂർ: തൃശൂർ യാർഡിൽ റെയിൽ പാളത്തിന്റെ അറ്റകുറ്റപ്പണികൾ നടക്കുന്നതിനാൽ ചില ട്രെയിനുകൾ റദ്ദാക്കിയതായി റെയിൽവേ അറിയിച്ചു. ഏപ്രിൽ ആറ്, പത്ത് തീയതികളിലാണ് അറ്റകുറ്റപ്പണികൾ നടക്കുന്നത്. ഇതേ ദിവസങ്ങളിൽ മൂന്ന് ട്രെയിനുകൾ പൂർണമായും ഏപ്രിൽ അഞ്ച്, ആറ്, ഒമ്പത്, പത്ത് തീയതികളിൽ അഞ്ച് ട്രെയിനുകൾ ഭാഗികമായും റദ്ദാക്കുകയും ചെയ്തു. ഏപ്രിൽ ആറ്, ഒമ്പത് തീയതികളിൽ ചില ട്രെയിനുകൾ വൈകി ഓടുകയും ചെയ്യും.

പൂർണമായി റദ്ദാക്കിയ ട്രെയിനുകൾ (ഏപ്രിൽ ആറ്, പത്ത്)

1. 06017 ഷൊർണൂർ ജംഗ്ഷൻ - എറണാകുളം ജംഗ്ഷൻ മെമു എക്‌സ്പ്രസ്

2. 06449 എറണാകുളം ജംഗ്ഷൻ - ആലപ്പുഴ അൺറിസർവ്ഡ് എക്‌സ്പ്രസ് സ്‌പെഷ്യൽ

3. 06452 ആലപ്പുഴ - എറണാകുളം ജംഗ്ഷൻ അൺറിസർവ്ഡ് എക്‌സ്പ്രസ് സ്‌പെഷ്യൽ

ഭാഗികമായി റദ്ദാക്കിയ ട്രെയിനുകൾ (ഏപ്രിൽ അഞ്ച്, ആറ്, ഒമ്പത്, പത്ത്)

1. ഏപ്രിൽ അഞ്ച്, ഒമ്പത് തീയതികളിൽ തിരുവനന്തപുരം സെൻട്രലിൽ നിന്ന് പുറപ്പെടുന്ന 16342 തിരുവനന്തപുരം - ഗുരുവായൂർ ഇന്റർസിറ്റി എക്‌സ്പ്രസ് എറണാകുളത്ത് സർവീസ് അവസാനിപ്പിക്കും.

2. ഗുരുവായൂരിൽ നിന്ന് സർവീസ് ആരംഭിക്കേണ്ട 16341 ഗുരുവായൂർ - തിരുവനന്തപുരം ഇന്റർസിറ്റി എക്‌സ്പ്രസ് ഏപ്രിൽ ആറ്, പത്ത് തീയതികളിൽ എറണാകുളത്ത് നിന്നായിരിക്കും സർവീസ് ആരംഭിക്കുക.

3. ഏപ്രിൽ അഞ്ച്, ഒമ്പത് തീയതികളിൽ കാരായ്ക്കലിൽ നിന്ന് പുറപ്പെടുന്ന 16187 എറണാകുളം എക്‌സ്പ്രസ് വടക്കാഞ്ചേരിയിൽ സർവീസ് അവസാനിപ്പിക്കും.

4. ഏപ്രിൽ അഞ്ച്, ഒമ്പത് തീയതികളിൽ ചെന്നൈ എഗ്മോറിൽ നിന്ന് പുറപ്പെടുന്ന 16127 ചെന്നൈ എഗ്മോർ - ഗുരുവായൂർ എക്‌സ്പ്രസ് എറണാകുളത്ത് സർവീസ് അവസാനിപ്പിക്കും.

5. ഏപ്രിൽ അഞ്ചിന് ബാനസവാടിയിൽ നിന്ന് പുറപ്പെടുന്ന 12684 ബാനസവാടി - എറണാകുളം സൂപ്പർഫാസ്റ്റ് എക്‌സ്പ്രസ് മുളങ്കുന്നത്തുകാവിൽ സർവീസ് അവസാനിപ്പിക്കും.

വൈകി ഓടുന്ന ട്രെയിനുകൾ (ഏപ്രിൽ ആറ്, ഒമ്പത്)

1. ഏപ്രിൽ അഞ്ച്, ഒമ്പത് തീയതികളിൽ എംജിആർ ചെന്നൈ സെൻട്രലിൽ നിന്ന് പുറപ്പെടുന്ന 12623 എം ജി ആർ ചെന്നൈ സെൻട്രൽ - തിരുവനന്തപുരം മെയിൽ തൃശ്ശൂർ - പാലക്കാട് സെക്ഷനിൽ 50 മിനിറ്റ് വൈകിയോടും.

2.ഹസ്രത്ത് നിസാമുദ്ദീനിൽ നിന്ന് ഏപ്രിൽ നാല്, എട്ട് തീയതികളിൽ പുറപ്പെടുന്ന 12618 എറണാകുളം മംഗള ലക്ഷദ്വീപ് എക്‌സ്പ്രസ് ഷൊർണൂർ - തൃശൂർ സെക്ഷനിൽ 45 മിനിറ്റ് വൈകിയോടും.

3. കെ എസ് ആർ ബെംഗളൂരുവിൽ നിന്ന് ഏപ്രിൽ അഞ്ച്, ഒമ്പത് തീയതികളിൽ പുറപ്പെടുന്ന 16526 കന്യാകുമാരി ഐലൻഡ് എക്‌സ്പ്രസ് പാലക്കാട് - തൃശൂർ സെക്ഷനിൽ 35 മിനിറ്റ് വൈകിയോടും.

4. 16305 എറണാകുളം ജംഗ്ഷൻ - കണ്ണൂർ ഇന്റർസിറ്റി എക്‌സ്പ്രസ് ഏപ്രിൽ ആറിന് 30 മിനിറ്റ് വൈകിയോടും.

5. ഏപ്രിൽ ആറ്, പത്ത് തീയതികളിൽ ഗുരുവായൂരിൽ നിന്ന് പുറപ്പെടുന്ന 16328 ഗുരുവായൂർ പുനലൂർ പ്രതിദിന എക്‌സ്പ്രസ് 20 മിനിറ്റ് വൈകും.

6. ഏപ്രിൽ നാലിന് ഋഷികേശിൽ നിന്ന് പുറപ്പെട്ട 22660 യോഗ് നഗരി ഋഷികേശ് - കൊച്ചുവേളി പ്രതിവാര സൂപ്പർഫാസ്റ്റ് എക്‌സ്പ്രസ് ഷൊർണൂരിനും തൃശ്ശൂരിനുമിടയിൽ 15 മിനിറ്റ് വൈകും.

7. ഏപ്രിൽ എട്ടിന് ചണ്ഡിഗഡ് ജംഗ്ഷനിൽ നിന്ന് കൊച്ചുവേളിയിലേക്ക് പുറപ്പെടുന്ന 12218 കേരള സമ്പർക് ക്രാന്തി എക്‌സ്പ്രസ് (കൊച്ചവേളി സൂപ്പർഫാസ്റ്റ്) ഷൊർണൂരിനും തൃശ്ശൂരിനും ഇടയിൽ 15 മിനിറ്റ് വൈകും.