ദുൽഖർ സൽമാൻ നായകനാവുന്ന സീതാ രാമം എന്ന തെലുങ്ക് ചിത്രത്തിന്റെ ആദ്യ ദൃശ്യങ്ങൾ പുറത്തിറങ്ങി. ലെഫ്റ്റനന്റ് റാമിന്റെ പ്രണയകഥ എന്ന ടാ​ഗ് ലൈനോടുകൂടിയാണ് വീഡിയോ എത്തിയിരിക്കുന്നത്. ഒരു പട്ടാളക്കാരനായാണ് ദുൽ‌ഖർ വേഷമിടുന്നത്.

ഹനു രാഘവപുടി സംവിധാനം ചെയ്യുന്ന ചിത്രത്തിൽ രശ്മിക മന്ദാന്ന, മൃണാൾ താക്കൂർ എന്നിവരാണ് നായികമാർ. സുമന്തും മറ്റൊരു പ്രധാനവേഷത്തിലുണ്ട്. വിശാൽ ചന്ദ്രശേഖർ സം​ഗീത സംവിധാനവും പി.എസ്. വിനോദ് ഛായാ​ഗ്രഹണവും നിർവഹിക്കുന്നു.