തിരുവല്ല : തിരുവല്ലയിൽ നടന്ന വാഹനാപകടത്തിൽ തനിക്ക് പരിക്കുകൾ ഇല്ലെന്നും സുഖമായിരിക്കുന്നുവെന്നും വ്യക്തമാക്കി നടൻ ഗിന്നസ് പക്രു. ഫേസ്‌ബുക്കിലൂടെയായിരുന്നു ഗിന്നസ് പക്രുവിന്റെ പ്രതികരണം. ഇന്ന് രാവിലെ തിരുവല്ലയിൽ വച്ച് ഒരു കാറപകടത്തിൽ പെട്ടു . പരിക്കുകൾ ഒന്നും തന്നെയില്ല. എതിർദിശയിൽ നിന്ന് വന്ന ഒരു ലോറി നിയന്ത്രണം വിട്ട് വന്നിടിക്കുകയായിരുന്നു. ഞാൻ സുഖമായിരിക്കുന്നു. എൻ്റെ യാത്ര തുടർന്നു കൊണ്ടേ ഇരിക്കുന്നുവെന്നും ഗിന്നസ് പക്രു ഫേസ്ബുക്കിൽ കുറിച്ചു. സീറ്റ് ബെൽറ്റിൻ്റെ പ്രാധാന്യം നേരിട്ട് അറിഞ്ഞുവെന്നും അദ്ദേഹം പറ‌ഞ്ഞു

തിരുവനന്തപുരത്ത് നിന്നും കൊച്ചിയിലേക്ക് യാത്രയ്ക്കിടെ തിരുവല്ല ബൈപ്പാസില്‍ മഴുവങ്ങാടുചിറയ്ക്ക് സമീപത്തെ പാലത്തില്‍ വെച്ചാണ് ഗിന്നസ് പക്രു സഞ്ചരിച്ച കാർ അപകടത്തിൽപെട്ടത്.

ഗിന്നസ് പക്രുവിന്റെ ഫേസ്‌ബുക്ക് കുറിപ്പ്

സുഹൃത്തുക്കളെ .....

ഇന്ന് രാവിലെ .. തിരുവല്ലയിൽ വച്ച് ഞാൻ ഒരു കാറപകടത്തിൽ പെട്ടു .പരിക്കുകൾ ഒന്നും തന്നെയില്ല. എതിർദിശയിൽ നിന്ന് വന്ന ഒരു ലോറി നിയന്ത്രണം വിട്ട് വന്നിടിക്കുകയായിരുന്നു.... ഞാൻ സുഖമായിരിക്കുന്നു... മനോധൈര്യം കൈവിടാതെ എൻ്റെ കാർ ഓടിച്ച ശിവനും,അപകടസ്ഥലത്ത് സഹായമായി വന്ന ചെറുപ്പക്കാർക്കും

SI ഹുമയൂൺ സർ നും, സുഹൃത്തായ

മാത്യു നൈനാനും , വീട്ടിലെത്തിച്ച twins ഇവൻൻ്റ്സ് ഉടമ ടിജു വി നും , നന്ദി

പ്രാർത്ഥിച്ചവർക്കും ,എന്നെ വിളിച്ച പ്രിയ സുഹൃത്തുക്കൾക്കും നന്ദി.,,,

എൻ്റെ യാത്ര തുടർന്നു കൊണ്ടേ ഇരിക്കുന്നു

NB: സീറ്റ് ബെൽറ്റിൻ്റെ പ്രധാന്യം നേരിട്ട് അറിഞ്ഞു....