കോടിക്കണക്കിന് ജനങ്ങൾ ഉപയോഗിക്കുന്ന ആൻഡ്രോയ്ഡ് ആപ്പുകൾ ഉപഭോക്താക്കളുടെ ഡേറ്റ ശേഖരിക്കുന്നതായി റിപ്പോർട്ട്. ബാങ്കിംഗ് വിശദാംശങ്ങൾ, ഫോൺ നമ്പറുകൾ മറ്റ് പ്രധാന വിവരങ്ങൾ എന്നിവ ഉൾപ്പെടെ ഉപഭോക്താക്കളുടെ എല്ലാ പ്രധാന വിവരങ്ങളുമാണ് ഈ ആപ്പുകൾ ശേഖരിക്കുന്നത്. ഇങ്ങനെ ഉപഭോക്താക്കളുടെ വിവരങ്ങൾ ചോർത്തിയതിന്റെ പേരിൽ പത്ത് ആപ്പുകളെ പ്ലേ സ്റ്റോറിൽ നിരോധിച്ചിരിക്കുകയാണ്.

നിരോധിക്കപ്പെട്ട ആപ്പുകൾ കൃത്യമായ ലൊക്കേഷൻ വിവരങ്ങൾ, ഇമെയിൽ, ഫോൺ നമ്പറുകൾ, പാസ്‌വേഡുകൾ എന്നിവ ശേഖരിക്കുന്നതായി കണ്ടെത്തി. സാധാരണയായി നിരവധി സുരക്ഷാ പരിശോധനകൾക്ക് ശേഷമാണ് ഗൂഗിൾ ഒരു ആപ്പ് പ്ലേ സ്റ്റോറിൽ ലിസ്റ്റ് ചെയ്യാൻ അനുവദിക്കുന്നത്. ഇത്രയും കർശന നടപടിക്രമങ്ങളിലൂടെ കടന്നുപോയിട്ടും പലപ്പോഴും അപകടകരമായ പല ആപ്പുകളും പ്ലേ സ്റ്റോറിൽ ഇടം നേടാറുമുണ്ട്. നിരോധിച്ചിരിക്കുന്ന ഈ ആപ്പുകൾ നിങ്ങളുടെ സ്മാർട്ട് ഫോണിൽ ഉണ്ടെങ്കിൽ ഉടൻ തന്നെ അവ അൺഇൻസ്റ്റാൾ ചെയ്യേണ്ടതാണ്.

ഗൂഗിൾ പ്ലേ സ്റ്റോർ നിരോധിച്ച പത്ത് ആപ്പുകൾ

1. വൈഫൈ മൗസ് (റിമോട്ട് കൺട്രോൾ പിസി)

2. സ്മാർട്ട് കിറ്റ് 360

3. സ്പീഡ് റഡാർ ക്യാമറ

4. ക്യൂ ആർ ആന്റ് ബാർകോഡ് സ്കാനർ( ആപ്പ്സോഴ്സ് ഹബ് വികസിപ്പിച്ചെടുത്തത്)

5. അൽ-മോസിൻ ലൈറ്റ് (പ്രാർത്ഥന സമയം)

6. ഫുൾ ഖുറാൻ എംപി 3-50 ഭാഷകളും വിവർത്തന ഓഡിയോയും

7. ഖിബ്‌ല കോംപസ് - റമദാൻ 2022

8. സിംപിൾ വെതർ ആന്റ് ക്ലോക്ക് വിഡ്ജറ്റ് (ഡിഫർ വികസിപ്പിച്ചെടുത്തത്)

9. ഹാന്റ്സെന്റ് നെക്സ്റ്റ് എസ് എം എസ് -ടെക്സ്റ്റ് വിത്ത് എം എം എസ്

10. ഓഡിയോസ്‌ഡ്രോയിഡ് ഓഡിയോ സ്റ്റുഡിയോ ഡി എ ഡബ്ല്യൂ