തിരുവനന്തപുരം: സംസ്ഥാനത്തെ ആദിവാസി ഊരുകളിലേക്ക് വിഷു കൈനീട്ടമായി സഞ്ചരിക്കുന്ന റേഷൻ കടകളിലൂടെ ഭക്ഷ്യ ധാന്യങ്ങൾ വിടുകളിൽ എത്തിച്ചു നൽകുന്ന പദ്ധതിയുടെ ഉദ്ഘാടനം കാട്ടാക്കട താലൂക്കിലെ അമ്പൂരി പഞ്ചായത്തിലെ പുരവിമല ആദിവാസി ഊരിൽവച്ച് ഏപ്രിൽ 14ന് ഉച്ചയ്ക്ക് 2മണിക്ക് ഭക്ഷ്യ പൊതുവിതരണ ഉപഭോക്തൃകാര്യ വകുപ്പ് മന്ത്രി ജി. ആർ. അനിൽ നിർവ്വഹിക്കും.

സമൂഹത്തിലെ എല്ലാ വിഭാഗം ജനങ്ങൾക്കം ഉത്സവദിനങ്ങൾ അല്ലലില്ലാതെ സമൃദ്ധമായി ആഘോഷിക്കുവാൻ കഴിയണം എന്ന കാഴ്ചപ്പാടാണ് ഇടതു സർക്കാരിനുള്ളത്.ആ ലക്ഷ്യം മുൻനിർത്തിയാണ്സംസ്ഥാനത്ത് സഞ്ചരിക്കുന്ന റേഷൻകടകൾഎന്ന പദ്ധതിആഘോഷ നാളുകളിൽ ആരംഭിച്ചിട്ടുള്ളത്. ഈ പദ്ധതിയുടെ ഭാഗമായി അമ്പൂരി പഞ്ചായത്തിലെ പുരവിമല, തെൻമല, കണ്ണമാംമൂട് എന്നീ ആദിവാസി ഊരുകളിലെ 183 കുടുംബങ്ങൾക്ക് റേഷൻ സാധനങ്ങൾ നേരിട്ട് എത്തിച്ച് നൽകുന്നു.സംസ്ഥാനത്ത് വരും ദിവസങ്ങളിൽ പിന്നോക്ക വിഭാഗം ജനങ്ങൾ അധിവസിക്കുന്ന മേഖലകളിൽ ഉൾപ്പെടെ സഞ്ചരിക്കുന്ന റേഷൻകടകൾ വ്യാപിപ്പിക്കാനാണ് സംസ്ഥാന സർക്കാർ ലക്ഷ്യം വയ്ക്കുന്നത്.