പൊതുജനങ്ങൾക്കാവശ്യമായതും വിശ്വാസയോഗ്യവുമായ ഏത് സൗകര്യവും സേവനവും അവർ സ്വയം തിരഞ്ഞെടുക്കുമെന്ന് കെഎസ്ആർടിസി. ഫേസ്‌ബുക്കിലെ ഔദ്യോഗിക പേജിലാണ് ഈ പ്രതികരണം. സ്വിഫ്‌ടിനെതിരെ കൃത്യമായ അജണ്ടയോടെ ഡീഗ്രേഡിംഗും തെറ്റായ വാർത്തകളും നൽകി സോഷ്യൽ മീഡിയ വഴി ബുദ്ധിമുട്ടിച്ചവരെ നന്ദിയോടെ സ്‌മരിക്കുന്നതായും ലോകോത്തര പ്രീമിയം ബ്രാൻഡഡ് ബസുകൾക്ക് ലക്ഷങ്ങൾ മുടക്കി പരസ്യം നൽകിയാൽ കിട്ടുന്നതിലേറെ പ്രശസ്‌തി തങ്ങൾക്ക് ലഭിച്ചതായും കെഎസ്ആർടിസി അധികൃതർ വ്യക്തമാക്കുന്നു.
പുതിയ വാഹനങ്ങൾക്കായാലും പഴയ വാഹനങ്ങൾക്കായാലും അപകടം സംഭവിക്കുക സ്വാഭാവികമാണ്. എന്നാൽ എങ്ങനെ സംഭവിക്കുന്നു എന്നതാണ് പ്രധാനം. ഒറ്റപ്പെട്ട മാദ്ധ്യമങ്ങളിലും സമൂഹമാദ്ധ്യമങ്ങളിലെ ഒരു വിഭാഗത്തിലും പ്രതിസ്ഥാനത്ത് കെഎസ്‌ആർടിസിയോ സ്വിഫ്‌ടോ പ്രതിസ്ഥാനത്താകുന്നത് ബോധപൂർവമല്ലെന്ന് കരുതാൻ തരമില്ലെന്നും ഫേസ്‌ബുക്ക് പോസ്‌റ്റിൽ പറയുന്നു.
കെഎസ്‌ആർടിസിയുടെ ഫേസ്‌ബുക്ക് പോസ്‌റ്റ് പൂർണരൂപം ചുവടെ:
പൊതുജനത്തിന് ആവശ്യമായതും സൗകര്യപ്രദമായതും വിശ്വാസ യോഗ്യമായതും ആയ ഏത് സൗകര്യങ്ങളും സേവനങ്ങളും 'അവർ' സ്വയം തെരഞ്ഞെടുക്കുകയാണ് പതിവ്...
അതാണ് കെ.എസ്.ആർ.ടി.സി സ്വി്ര്രഫിന് ലഭിച്ച സ്വീകാര്യത...
കൃത്യമായ അജണ്ടയോടുകൂടി തെറ്റായ വാർത്തകളും ഡീ ഗ്രേഡിംഗും നടത്തി സാമൂഹ്യ മാധ്യമങ്ങൾ വഴി ഉൾപ്പെടെ ബുദ്ധിമുട്ടിപ്പിച്ചവരോട് (പരോക്ഷമായി സഹായിച്ചവരോട്) ഒന്നേ ഞങ്ങൾക്ക് പറയാനുള്ളൂ... നിങ്ങളുടെ അമിതാവേശം ഞങ്ങൾക്കു നൽകിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകൾക്ക് ലക്ഷങ്ങൾമുടക്കി പരസ്യം നൽകിയാൽ കിട്ടുന്നതിലേറെ പ്രശസ്തിയും അതിലൂടെ സത്യസന്ധമായ വസതുതകൾ പൊതുജനങ്ങളെ ബോധ്യപെടുത്തുന്നതിനുള്ള അവസരവുമാണ് എന്നത് നന്ദിയോടെ സ്മരിക്കുന്നു...
വാഹനങ്ങൾക്ക് അപകടം സംഭവിക്കുക സ്വാഭാവികമാണ്. ഏറ്റവും പുതിയ വാഹനങ്ങൾക്കും പഴയ വാഹന ങ്ങൾക്കും സംഭവിക്കാം...
എങ്ങനെ സംഭവിക്കുന്നു എന്നതാണ് പ്രധാനം...
കെ.എസ്.ആർ.ടി.സി യോ കെ സ്വിേ്രഫ്രാ അപകടത്തിൽപെട്ടിട്ടുണ്ടെങ്കിൽ ഒറ്റപ്പെട്ട ചില മാദ്ധ്യമങ്ങൾക്കും സമൂഹ മാദ്ധ്യമങ്ങളിലെ ഒരു വിഭാഗത്തിനും പ്രതിസ്ഥാനത്ത് കെ.എസ്.ആർ.ടി.സി യോ കെ സ്വിേ്രഫ്രാ ആകുന്നത് ബോധപൂർവ്വമല്ലെന്നു കരുതാൻ തരമില്ല.
ഈയിടെ നടന്ന ഒരു അപകടത്തിന്റെ തെറ്റായ വാർത്ത നൽകിയ ശേഷം പിന്നീട് ഇഇഠഢ ദൃശ്യം പരിശോധിച്ച് സ്വിഫ്റ്റ് ബസിന്റെ ഡ്രൈവറുടെ ഭാഗത്ത് തെറ്റ് സംഭവിച്ചിട്ടില്ല എന്ന് ബോധ്യപെട്ടെങ്കിലും വാർത്ത നൽകിയവരാരും ശരിയുടെ പക്ഷം ബോധ്യപ്പെടുത്തുവാൻ ശ്രമിച്ചിട്ടില്ല...
ആരോടും പരാതിയില്ല ...
ദയവായി ഞങ്ങൾ നിങ്ങൾക്കുവേണ്ടിയുള്ളതാണെന്നത് തിരിച്ചറിയുക...
കെഎസ്ആർടിസി എന്നും ജനങ്ങൾക്ക് സ്വന്തം... ജനങ്ങളോടൊപ്പം...