ദാമ്പത്യത്തിൽ ലൈംഗികതയ്ക്കുള്ള പ്രാധാന്യം വളരെ വലുതാണ്. അശാസ്ത്രീയമായ ലൈംഗിക അറിവുകളും തെറ്റിദ്ധാരണയും പലപ്പോഴും ദാമ്പത്യത്തിന്റെ താളം തെറ്റിക്കാനിടയുണ്ട്.
ലൈംഗിക ജീവിതത്തിലുണ്ടാകുന്ന പ്രശ്നങ്ങളുടെ യ്ഥാർത്ഥ കാരണം കണ്ടെത്താൻ ശ്രമിക്കാതെ പങ്കാളികൾ തമ്മിൽ പരസ്പരം കുറ്റപ്പെടുത്തുന്നത് ദാമ്പത്യജീവിതത്തിന്റെ ഊഷ്മളത കെടുത്തും.
അതേസമയം സംതൃപ്തിയില്ലാത്ത ലൈംഗിക ജീവിതത്തിനു കുറ്റം പറയേണ്ടത് നിങ്ങളുടെ പങ്കാളിയെയല്ല മറിച്ചു സമയത്തെയാണെന്ന് ഫ്രോണ്ടിയേഴ്സ് ഇൻ സൈക്കോളജിയിൽ നടത്തിയ പഠനം പറയുന്നു. സ്ത്രീയുടെയും പുരുഷന്റെയും സെക്സ് ഡ്രൈവ് അല്ലെങ്കിൽ ലൈംഗിക താത്‌പര്യം ഉണരുന്ന സമയത്തിന്റെ വ്യത്യാസം തന്നെയാണ് മിക്കപ്പോഴും പലരുടെയും ലൈംഗിക ജീവിതത്തിൽ രസംകൊല്ലിയാകുന്നത്.
സ്ത്രീകൾക്ക് ലൈംഗികതാത്‌പര്യം ഉണരുന്ന സമയം മിക്കപ്പോഴും വൈകുന്നേരങ്ങളിലാണ്. എന്നാൽ പുരുഷന് അത് രാവിലെകളിലും. വൈകുന്നേരങ്ങൾ ജോലിത്തിരക്കുകളിൽ നിന്നൊഴിഞ്ഞു സ്വസ്ഥമായിരിക്കാനാണ് എപ്പോഴും പുരുഷൻ ആഗ്രഹിക്കുന്നത്. ദിവസം മുഴുവനുള്ള ജോലിത്തിരക്കുകൾ അവരെ വൈകുന്നേരങ്ങളിൽ ക്ഷീണിതരാക്കും.
മിക്ക ദമ്പതികളും ലൈംഗിക ബന്ധത്തിലേർപ്പെടുന്നത് കിടക്കുന്ന സമയത്താണ്. അതായതു ഒൻപതുമണിക്കു ശേഷം. എന്നാൽ മനഃശാസ്ത്രവിദഗ്ധർ പറയുന്നത് വെറുമൊരു പ്രക്രിയ എന്നതിൽ നിന്നും മനസ്സിനും ശരീരത്തിനും ഒരേപോലെ അനുഭൂതി ലഭിക്കണമെങ്കിൽ അത് പൂർണമായും അനുഭവിക്കണം. എന്നാൽ ഉറങ്ങും മുൻപുള്ള സെക്സ് നല്ലയുറക്കം നൽകുമെന്ന കാര്യം ഗവേഷകരും സമ്മതിക്കുന്നു. എന്നാൽ രാവിലെയുള്ള സെക്സ് നല്ല ഉന്മേഷം നൽകുമെന്നുതന്നെ ഗവേഷകർ പറയുന്നു. നല്ല ഉറക്കത്തിന് ശേഷമുള്ള സെക്സ് ദമ്പതികൾക്ക് നല്ലൊരു അനുഭൂതിയാകും. എന്നാൽ എല്ലാവർക്കും ഇത് വർക്ക് ഔട്ട് ആകണമെന്നുമില്ല. സമയമറിഞ്ഞു ചെയ്താൽ സെക്സ് മികച്ച അനുഭൂതി നൽകുകതന്നെ ചെയ്യും.