അഹമ്മദാബാദ് : ഇന്ത്യയിൽ രണ്ടുദിവസത്തെ സന്ദർശനത്തിനെത്തിയ ബ്രിട്ടീഷ് പ്രധാനമന്ത്രി ബോറിസ് ജോൺസൺ സഞ്ചരിച്ച റോഡരികിലെ ചേരികൾ കെട്ടിയടച്ചതായി ആരോപണം. സബർമതിയിലേക്ക് പോകുന്ന വഴികളിലെ ചേരികളാണ് തുണി കൊണ്ട് മറച്ചുകെട്ടിയതെന്ന് ആരോപണം ഉയരുന്നത്. ഇതിന്റെ വീഡിയോ ദൃശ്യങ്ങളും ചിത്രങ്ങളും ട്വിറ്ററിൽ പോസ്റ്റ് ചെയ്‌തിട്ടുണ്ട്.

വെള്ളത്തുണി ഉപയോഗിച്ചാണ് റോഡിന് ഇരുവശങ്ങളിലുമുള്ള ചേരികൾ മറച്ചിരിക്കുന്നത്. ഡോണാൾഡ് ട്രംപ് സന്ദർശനത്തിന് എത്തിയപ്പോഴും ചേരികൾ മതിൽകെട്ടി മറച്ചത് വിവാദമായിരുന്നു.

ബോറിസ് ജോൺസൺ വ്യാഴാഴ്ചയാണ് ഇന്ത്യയിലെത്തിയത്. ആദ്യദിനം ഗുജറാത്തിലാണ് സന്ദർശനം. വിമാനത്താവളത്തില്‍ മുഖ്യമന്ത്രി ഭൂപേന്ദ്ര പട്ടേലും ഗവര്‍ണര്‍ ആചാര്യ ദേവവ്രതും ചേര്‍ന്നാണ് അദ്ദേഹത്തെ സ്വീകരിച്ചത്.

Ahead of the visit if @BorisJohnson⁩, the slum near #SabarmatiAshram in #Ahmedabad gets covered with white cloth on Thursday morning. pic.twitter.com/NoSlR0PROK

— DP (@dpbhattaET) April 21, 2022