നി‌ർമ്മാതാവ് വിജയ് ബാബുവിനെതിരെ നടി പീ‌ഡനപരാതിയുന്നയിച്ച വിഷയത്തിൽ നേരിട്ടും അല്ലാതെയും നിരവധിപേർ പ്രതികരിച്ചു. ഇതിനിടെ ശ്രദ്ധേയമായ പോസ്‌റ്റുമായി എത്തിയിരിക്കുകയാണ് സംവിധായകൻ അഖിൽ മാരാർ. ഇരയെക്കുറിച്ചാണ് അഖിൽ തന്റെ ഫേസ്‌ബുക്ക് പോസ്‌റ്റിലൂടെ പറയുന്നത്. മീനിന്റെ സ്വഭാവമനുസരിച്ച് ഇര ചിലപ്പോൾ മണ്ണിരയാകും ചിലപ്പോൾ മൈദയാകും. ഇരയ്ക്ക് ഒരു ലക്ഷ്യമേ ഉള‌ളു മീനിനെ കുടുക്കുക. ആർക്കെങ്കിലും വേണ്ടി ആരെയെങ്കിലും കുടുക്കുക. ഇരകളെ കുരുക്കി എറിയുന്നതിനാൽ സിലോപ്പി മുതൽ സ്രാവുകൾ വരെ വീഴുമെന്നും അഖിൽ മാരാർ പറയുന്നു.
അഖിൽ മാരാരുടെ ഫേസ്‌ബുക്ക് പോസ്‌റ്റ് പൂർണരൂപം ചുവടെ:
ഇര...
ആദ്യമായി ഈ പേര് പറയാൻ തുടങ്ങിയത് കുട്ടിക്കാലത്തു മീൻ പിടിക്കാൻ പോയപ്പോൾ ആണ്..ഇര എന്നത് മീനിന്റെ സ്വഭാവം അനുസരിച്ചു ചിലപ്പോൾ മണ്ണിര ആകും..അല്ലെങ്കിൽ മൈദ ആവും..രണ്ടായാലും ഞാൻ കോർക്കുന്ന ഇരയ്ക്ക് ഒരു ലക്ഷ്യമേ ഉള്ളു മീനിനെ കുടുക്കുക..
കുടുങ്ങാൻ പോകുന്നു എന്ന് തിരിച്ചറിയാതെ ഇരയെ പിടിക്കുന്ന മീനിനെ ഞാൻ വറുത്തു തിന്നും..
അന്നും ഇന്നും ഇരയ്ക്ക് ഒറ്റ ലക്ഷ്യമേ ഉള്ളു...
ആർക്കെങ്കിലും വേണ്ടി ആരെയെങ്കിലും കുടുക്കുക..
ഇരകൾ മാറി കെണ്ടേ ഇരിക്കും..മറ്റാരുടെയോ ചൂണ്ടയിൽ ഇരകളെ കുരുക്കി എറിയുന്നതിൽ സിലോപ്പി മുതൽ സ്രാവുകൾ വരെ വീഴും..
ഇരയുടെ വലുപ്പം അനുസരിച്ചു കൊളുത്തുന്ന മീനിന് കച്ചവട സാധ്യതയും കൂടും..
#മീനിനൊപ്പം