തിരുവനന്തപുരം: ഹിന്ദു മഹാപരിഷത്ത് തിരുവനന്തപുരത്ത് നടത്തി ഹിന്ദു മഹാസംഗമത്തിൽ മുൻ എം.എൽ.എ പി.സി. ജോർജ് നടത്തിയ വർഗീയ പരാമർശം വിവാദമായിരുന്നു.. കടുത്ത വർഗീയ പരാമർശമാണ് പി.സി. നടത്തിയതെന്നാണ് വിമർശനം ഉയർന്നത്. പരാമർശത്തിനെതിരെ സി.പി.എമ്മും രംഗത്തെത്തിയിരുന്നത്. പിസി ജോർജിനെതിരെ കേസെടുക്കണമെന്ന് യൂത്ത് ലീഗ് പരാതിയും നൽകിയിട്ടുണ്ട്.

അതേസമയം രാഷ്ട്രീയമില്ലാതെ അക്കാദമിക് താത്‌പര്യം മാത്രം എന്ന തലക്കെട്ടിൽ ഡോ. നെൽസൺ ജോസഫ് ഫേസ്‌ബുക്കിൽ പങ്കുവച്ച കുറിപ്പാണ് ഇപ്പോൾ ശ്രദ്ധ നേടുന്നത്. ഹോട്ടലിൽ വച്ചിരിക്കുന്ന, ചായയിൽ ഒരു തുള്ളി ഒഴിച്ചാൽ പിന്നെ പിള്ളേരുണ്ടാവില്ലാത്ത ആ മരുന്ന് ഏതാന്ന് ഒന്നറിയണമെന്ന് നെൽസൺ ജോസഫ് ചോദിച്ചു. .

കോണ്ടത്തിന്റെ ഗ്ലോബൽ മാർക്കറ്റ്‌ മാത്രം 9.9 ബില്യൺ ഡോളറാണ്.എന്ന് വച്ചാൽ 75,000 ചില്വാനം കോടി രൂപ.

ഈ ഒറ്റത്തുള്ളിയിൽ സംഗതി ക്ലീനാക്കുന്ന ഐറ്റത്തിന്റെ ഫോർമുല പറഞ്ഞു തരണമെന്നും നെൽസൺ ജോസഫ് പരിഹസിച്ചു.

ഡോ. നെൽസൺ ജോസഫിന്റെ കുറിപ്പ്

അല്ല,വെറും അക്കാദമിക്‌ താൽപര്യം മാത്രം.

ഹോട്ടലിൽ വച്ചിരിക്കുന്ന, ചായയിൽ ഒരു തുള്ളി ഒഴിച്ചാൽ പിന്നെ പിള്ളേരുണ്ടാവില്ലാത്ത ആ മരുന്ന് ഏതാന്ന് ഒന്നറിയണം.

വിത്ഡ്രോവൽ മെതേഡ്‌, കോണ്ടം, കോപ്പർ ടി, കോണ്ട്രാസെപ്റ്റീവ്‌ പിൽ, ഇഞ്ചക്ഷൻ. . .

പിന്നെ അതുക്കും മേലെ വാസക്ടമിയും ട്യൂബെക്ടമിയും പോലെ പെർമനന്റായ വഴികളും.

പിള്ളേരുണ്ടാവാതിരിക്കാൻ ഇത്രയും വഴികൾ മിനിമം പയറ്റുന്നുണ്ട്‌ ലോകത്ത്‌. ഇനിയുമുണ്ട്‌, പക്ഷേ അതല്ലല്ലോ നമ്മുടെ ടോപ്പിക്‌

ഇതിൽ കോണ്ടത്തിന്റെ ഗ്ലോബൽ മാർക്കറ്റ്‌ മാത്രം 9.9 ബില്യൺ ഡോളറായിരുന്നെന്ന് എങ്ങോ വായിച്ചിരുന്നു.

എന്ന് വച്ചാൽ 75,000 ചില്വാനം കോടി രൂപ.

അതിനൊക്കെ ഒരു സിമ്പിൾ സൊല്യൂഷനാവുമല്ലോ ഈ ഒറ്റത്തുള്ളിയിൽ സംഗതി ക്ലീനാക്കുന്ന ഐറ്റം.

പറ, അതിന്റെ ഫോർമുല പറ.

നൊബേൽ നമുക്ക്‌ ഫിഫ്റ്റി ഫിഫ്റ്റി അടിക്കാന്ന്