എടവണ്ണ : ചാലിയാർ പുഴയിൽ പതിനാലുകാരൻ മുങ്ങിമരിച്ചു. എടവണ്ണ ചെമ്പക്കുത്ത് പന്നിക്കുന്ന്് ഒറവക്കോട്ട്പറമ്പിൽ ദേവരാജ് -രഞ്ജു ദമ്പതികളുടെ മകൻ അർജ്ജുൻ ദേവ് (14) ആണ് മരിച്ചത്. ഗവ.സീതി ഹാജി മെമ്മോറിയൽ ഹൈസ്‌കൂൾ ഒമ്പതാം ക്ലാസ് വിദ്യാർത്ഥിയാണ്.
കൊടുങ്ങല്ലൂർ ക്ഷേത്ര ദർശനം കഴിഞ്ഞ് മടങ്ങിയെത്തി ചാലിയാറിൽ കുളിക്കുന്നതിന് വേണ്ടി ഇറങ്ങിയതായിരുന്നു. കാൽ തെന്നി ആഴമുള്ള ഭാഗത്ത് അകപ്പെടുകയായിരുന്നു. കഴിഞ്ഞ ദിവസം രാത്രി 10.30 ടെയായിരുന്നു അപകടം. ഉടൻ ബന്ധുക്കളും ഇആർഎഫ് അംഗങ്ങളും. നാട്ടുകാരും ചേർന്ന് നടത്തിയ തിരച്ചിലിൽ കുട്ടിയെ കണ്ടെത്തി. ഉടനെ എടവണ്ണയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. സഹോദരങ്ങൾ: ആതിര ദേവ്, അജയ് ദേവ്.