ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയൻ ഓഫീസ്, യോഗം ജനറൽ സെക്രട്ടറി വെള്ളാപ്പള്ളി നടേശന്റെ നിർദ്ദേശ പ്രകാരം കമ്പ്യൂട്ടർവത്കരിച്ചു. ഇനിമുതൽ യൂണിയൻ ഓഫീസിൽ ഡിജിറ്റൽ സേവനങ്ങൾ ലഭ്യമാകും. കമ്പ്യൂട്ടർവത്കരണത്തിന്റെ ഉദ്ഘാടനം യൂണിയൻ ചെയർമാൻ അനിൽ അമ്പാടി നിർവഹിച്ചു. യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിച്ചു. യൂണിയൻ അഡ്.കമ്മിറ്റി അംഗങ്ങളായ എസ്.ദേവരാജൻ, ജയപ്രകാശ് തൊട്ടാവാടി, സുരേഷ് മംഗലത്തിൽ, ചെങ്ങന്നൂർ ടൗൺ ശാഖാ സെക്രട്ടറി സിന്ധു എസ്.മുരളി, ധർമ്മസേനാ കോഡിനേറ്റർ വിജിൻ രാജ് എന്നിവർ പങ്കെടുത്തു.