പത്തനംതിട്ട: മോട്ടോർ വാഹനങ്ങളുടെ രജിസ്ട്രേഷൻ, ഫിറ്റ്നസ് പുതുക്കൽ നിരക്കുകൾ അഞ്ചിരട്ടിയിലധികം വർദ്ധിപ്പിച്ച നടപടി പിൻവലിക്കണമെന്ന് ബി.എം.എസ് സംസ്ഥാന ജനറൽ സെക്രട്ടറി ജി.സതീഷ് കുമാർ ആവശ്യപ്പെട്ടു. പത്തനംതിട്ട ആർ.ടി.ഒാഫീസിലേക്ക് നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ ജനറൽ സെക്രട്ടറി രാജൻ പള്ളിക്കൽ അദ്ധ്യക്ഷത വഹിച്ചു. ജില്ലാ പ്രസിഡന്റ് എം.കെ അരവിന്ദൻ, സെക്രട്ടറി എ.കെ ഗിരീഷ്, ഭാരവാഹികളായ കെ.എസ്.സുരേഷ് കുമാർ, പി.ജി ഹരികുമാർ,സി.കെ സുരേഷ്കുമാർ, വി. രാജൻപിള്ള തുടങ്ങിയവർ സംസാരിച്ചു.