മല്ലപ്പള്ളി : എസ്.എൻ.ഡി.പി യോഗം തിരുവല്ല യൂണിയനിലെ കുമാരനാശാൻ മേഖലാസമ്മേളനം കീഴ് വായ്പൂര് 101-ാംനമ്പർ ശാഖാ ഓഡിറ്റോറിയത്തിൽ ഇന്ന് രാവിലെ പത്തിന് നടക്കും. കീഴ് വായ്പൂര് 101, കൊറ്റനാട് 789, എഴുമറ്റൂർ 1156, കോട്ടാങ്ങൽ 1229, വാലാങ്കര 1358, വലിയകുന്നം 1515, മുരണി 3023, മേത്താനം 4660 എന്നീ ശാഖകൾ പങ്കെടുക്കും. യൂണിയൻ പ്രസിഡന്റ് ബിജു ഇരവിപേരൂരിന്റെ അദ്ധ്യക്ഷതയിൽ യോഗം അസി.സെക്രട്ടറി പി.എസ്.വിജയൻ ഉദ്ഘാടനം ചെയ്യും. യൂണിയൻ സെക്രട്ടറി അനിൽ എസ്. ഉഴത്തിൽ ആമുഖ പ്രഭാഷണംനടത്തും. യോഗം ഇൻപെക്ടിംഗ് ഓഫീസർ എസ്. രവീന്ദ്രൻ മുഖ്യപ്രഭാഷണം നടത്തും . യൂണിയൻ വൈസ് പ്രസിഡന്റ് കെ.ജി ബിജു കൺവെൻഷൻ വിശദീകരണം നൽകും. നിയുക്ത ഡയറക്ടർ ബോർഡ് അംഗം സന്തോഷ് തങ്കപ്പൻ , യൂണിയൻ കൗൺസിലർമാരായ ബിജു മേത്താനം, രാജേഷ് കുമാർ ആർ, പ്രസന്ന കുമാർ, മനോജ് ഗോപാൽ, സരസൻ റ്റി.ജെ,അനിൽ ചക്രപാണി, പഞ്ചായത്ത് കമ്മിറ്റിയംഗങ്ങളായ കെ.കെ. രവി , കെ.എൻ രവീന്ദ്രൻ , വനിതാസംഘം പ്രസിഡന്റ് സുമ സജികുമാർ, സെക്രട്ടറി സുധാഭായി , ബ്രഹ്മാനന്ദൻ കുമാരി സംഘം കോഡിനേറ്റർ ശോഭ ശശിധരൻ ,യൂത്ത്മൂവ് മെന്റ് പ്രസിഡന്റ് വിശാഖ് പി.സോമൻ, സെക്രട്ടറി സൂര്യ കിരൺ, സൈബർ സേന ചെയർമാൻ ശരത്ത് ബാബു, കൺവീനർ അശ്വിൻ ബിജു , വൈദിക സമിതി പ്രസിഡന്റ് ഷിബു ശാന്തി, സെക്രട്ടറി സുജിത്ത് ശാന്തി തുടങ്ങിയവർ സംസാരിക്കും. കീഴ് വായ്പൂര് ശാഖാ പ്രസിഡന്റ് രാജേന്ദ്രൻ സ്വാഗതവും സെക്രട്ടറി റ്റി.എൻ.ജിജി നന്ദിയും പറയും. ഗുരുദേവ ദർശനവും സംഘടനയും എന്ന വിഷയത്തെ ആസ്പദമാക്കി .രാവിലെ പത്തു മുതൽ കോട്ടയം യൂണിയൻ വൈസ് പ്രസിഡന്റ് വി.എം.ശശി ക്ലാസ് നയിക്കും.