ചെറുകോൽ: ഗവ.യു.പി.സ്‌കൂളിന്റെ 107-ാമത് വാർഷിക ആഘോഷം പഞ്ചായത്ത് പ്രസിഡന്റ് കെ.ആർ.സന്തോഷ് ഉദ്ഘാടനം ചെയ്തു. പഞ്ചായത്തംഗം സുമ ഹരിദാസ് അദ്ധ്യക്ഷത വഹിച്ച യോഗത്തിൽ പഞ്ചായത്ത് ആരോഗ്യവിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ഏബ്രഹാം തോമസ് പ്രതിഭകളെ ആദരിച്ചു. ഇലന്തൂർ ബ്ലോക്ക് പഞ്ചായത്ത് വൈസ് പ്രസിഡന്റ് അന്നമ്മ ജോസഫ് മുഖ്യ പ്രഭാഷണം നിർവഹിച്ചു. പ്രഥമാദ്ധ്യാപിക വി.സിജയശ്രീ, എസ്.എം.സി.ചെയർപേഴ്‌സൺ മായാപ്രകാശ്,കോഴഞ്ചേരി ബി.പി.ഒ ഷിഹാബുദ്ദീൻ എസ്., ഇ.എസ്.ഹരികുമാർ, കെ.എ.തൻസീർ, സൗപർണിക സനോജ്, ബി.രേഖ എന്നിവർ സംസാരിച്ചു.