തിരുവല്ല: ഇസ്കോൺ കരുനാട്ടുകാവ് ശ്രീകൃഷ്ണ സ്വാമി ക്ഷേത്രത്തിലെ ആറാട്ട് നാളെ നടക്കും. ഏഴാം ഉത്സവദിനമായ ഇന്ന് രാവിലെ 8.30ന് ഉത്സവബലിക്ക് വിളക്കെഴുന്നെള്ളിപ്പ്. 10 ന് ഉത്സവബലി ദർശനം. വൈകിട്ട് 5.15 മുതൽ ഇസ്കോൺ തിരുവനന്തപുരം പ്രസിഡന്റ് സ്വാമി ഡോ.ജഗത് സാക്ഷി ദാസ് ആദ്ധാത്മിക പ്രഭാഷണം നടത്തും. 6.15 മുതൽ ഇരുകോൽ പഞ്ചാരിമേളം 6.30ന് വിശേഷാൽ ദീപാരാധന. രാത്രി 8.20ന് പള്ളിവേട്ട എഴുന്നെള്ളത്ത്. 9ന് സേവ, നാളെ രാവിലെ 8.30ന് ആറാട്ടുബലി. 9.30ന് കൊടിയിറക്ക്, ഗരുഡവാഹനം എഴുന്നെള്ളത്ത്. 11.30ന് വലിയ കാണിക്ക തുടർന്ന് ആറാട്ട് സദ്യ. 6.30ന് വിശേഷാൽ ദീപാരാധന.