ചന്ദനപ്പള്ളി: ആഗോള തീർത്ഥാടന കേന്ദ്രമായ സെന്റ് ജോർജ് ഓർത്തഡോക്സ് വലിയപള്ളിയിലെ വിശുദ്ധ ഗീവർഗീസ് സഹദായുടെ ഓർമ്മപെരുന്നാളിന് 24 ന് കൊടിയേറും. ലോക പ്രവാസിസംഗമം, തീർത്ഥാടന വാരാചരണം, പദയാത്രാസംഗമം, കുടുംബ സംഗമം, വനിതാദിനം, പരിസ്ഥിതി സെമിനാർ, പ്രത്യാശാ സംഗമം, യുവജന സംഗമം എന്നിവ നടക്കും. മേയ് 7 ന് രാത്രി റാസ, കലാപരിപാടികൾ, 8 ന്ചന്ദനപ്പള്ളി ചെമ്പെടുപ്പ്.. നടത്തിപ്പിനായി വികാരിമാരായ ഫാ. ഷിജു ജോൺ, ഫാ. ജോം മാത്യു, ട്രസ്റ്റി ജോൺസൺ വടശേരിയത്ത് , സെക്രട്ടറി തോമസ് വർഗീസ് എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചു വരുന്നു.