തിരുവല്ല: കുഴിവേലിപ്പുറം തെക്ക് മാടപ്പള്ളിക്കാവ് ഭഗവതി ക്ഷേത്രത്തിലെ പത്താമുദയ മഹോത്സവത്തിന് കൊടിയേറി. 23ന് ആറാട്ടോടെ സമാപിക്കും. തന്ത്രി എം.എൻ.ഗോപാലൻ തന്ത്രിയുടെയും മേൽശാന്തി കെ.പി.പ്രസാദ് ശാന്തിയുടെയും കാർമ്മികത്വത്തിൽ കൊടിയേറ്റി. ദേവീഭാഗവത നവാഹയജ്‌ഞം ഇന്ന് തുടങ്ങും. യജ്ഞവിളംബര ഘോഷയാത്ര നടത്തി. എസ്.എൻ.ഡി.പി.യോഗം ഇൻസ്‌പെക്ടിംഗ് ഓഫീസർ എസ്.രവീന്ദ്രൻ എഴുമറ്റൂർ യജ്ഞഭദ്രദീപ പ്രകാശനം നിർവഹിച്ചു. ഇന്ന് രാത്രി 8.30ന് താലപ്പൊലി എഴുന്നെള്ളത്ത്. ദിവസവും രാവിലെ മുതൽ വിശേഷാൽ പൂജകൾ 7ന് ഭാഗവത പാരായണം, 10ന് കലശാഭിഷേകം 6.30ന് വിശേഷാൽ ദീപാരാധന, ഭജന,പ്രഭാഷണം എന്നിവ നടക്കും. 20ന് രാവിലെ 10ന് പാർവതീ സ്വയംവരഘോഷയാത്ര, രാത്രി 7.30ന് താലപ്പൊലി എഴുന്നെള്ളത്ത്. 9.30ന് നാടൻപാട്ട്. 21ന് രാത്രി 7ന് സർപ്പംപൂജ, ഭജന. 22ന് രാത്രി 9.30ന് പള്ളിവേട്ടയ്ക്ക് പുറപ്പാട്.10ന് പള്ളിനായാട്ട് 23ന് ഉച്ചയ്ക്ക് ഒന്നിന് അന്നദാനം. 6.30ന് സേവ 9ന് താലപ്പൊലി എഴുന്നെള്ളിപ്പ് 11ന് ആറാട്ട് 11.30ന് ആറാട്ട് എഴുന്നെള്ളിപ്പ്, കൊടിയിറക്ക്. മഹാഗുരുതി.