ചെങ്ങന്നൂർ: യുവതിയുവാക്കൾക്കു വേണ്ടി എറണാകുളം മുക്തിഭവന്റെ സഹകരണത്തോടെ ചെങ്ങന്നൂർ എസ്.എൻ.ഡി.പി.യൂണിയൻ നടത്തുന്ന വിവാഹപൂർവ കൗൺസലിംഗ് ക്ലാസുകൾ നാളെയും മറ്റെന്നാളും യൂണിയൻ ഷോപ്പിംഗ് കോപ്ലക്‌സിലെ സരസകവി മൂലൂർ സ്മാരക ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു. ക്ലാസുകളുടെ ഉദ്ഘാടനം യൂണിയൻ ചെയർമാൻ അനിൽ അമ്പാടി ശനിയാഴ്ച രാവിലെ 9ന് നിർവഹിക്കും. ചടങ്ങിൽ യൂണിയൻ വൈസ് ചെയർമാൻ രാഖേഷ് പി.ആർ.,യൂണിയൻ അഡ്.കമ്മിറ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, ബി.ജയപ്രകാശ് തൊട്ടാവാടി, സരേഷ് എം.പി., കെ.ആർ.മോഹനൻ കൊഴുവല്ലൂർ, അനിൽ കണ്ണാടി എന്നിവർ പ്രസംഗിക്കും. 17ന് വൈകിട്ട് 5ന് നടക്കുന്ന സമാപന സമ്മേളനത്തിൽ പഠിതാക്കൾക്കുള്ള സർട്ടിഫിക്കറ്റുകൾ യൂണിയൻ കൺവീനർ അനിൽ പി.ശ്രീരംഗം വിതരണം ചെയ്യും. രണ്ട് ദിവസങ്ങളിലായി നടക്കുന്ന ക്ലാസിൽ രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ലാസുകൾ നയിക്കും.