റാന്നി: പെട്രോൾ, ഡീസൽ, പാചകവാതക വിലവർദ്ധനവിനെതിരെ എൽ.ഡി.എഫ് നേതൃത്വത്തിൽ റാന്നി പോസ്റ്റ് ഓഫീസിലേക്ക് നടത്തിയ പ്രതിഷേധ മാർച്ച് അഡ്വ. പ്രമോദ് നാരായൺ എം.എൽ.എ ഉദ്ഘാടനം ചെയ്തു. സി.പി.ഐ റാന്നി നിയോജക മണ്ഡലം സെക്രട്ടറി കെ.സതീഷ് അദ്ധ്യക്ഷനായി. സി.പി. എം സംസ്ഥാനകമ്മിറ്റിയംഗം രാജു എബ്രഹാം, ജില്ലാ സെക്രട്ടേറിയറ്റംഗം പി.ആർ.പ്രസാദ്, കേരള കോൺഗ്രസ് എം നിയോജകമണ്ഡലം പ്രസിഡന്റ് ആലിച്ചൻ ആറൊന്നിൽ , പാപ്പച്ചൻ കൊച്ചുമേപ്രത്ത്, ബിനു തെളളിയിൽ , എബ്രഹം കുളമട, ഫിലിപ്പ് മാത്യു കുരുടാമണ്ണിൽ , ജില്ലാ പഞ്ചായത്ത് അംഗം ജോർജ് എബ്രഹാം, റാന്നി പഞ്ചായത്ത് പ്രസിഡന്റ് ശോഭ ചാർലി എന്നിവർ സംസാരിച്ചു.