തിരുവല്ല: എസ്.എൻ.ഡി.പി.യോഗം ആർ.ശങ്കർ മെമ്മോറിയൽ 4538 കുന്നന്താനം പൊയ്ക ശാഖയുടെ ഗുരുദേവ ക്ഷേത്രത്തിലെ പഞ്ചലോഹ വിഗ്രഹപ്രതിഷ്ഠയും ഗണപതി പ്രതിഷ്ഠയും ധ്വജവാഹന പ്രതിഷ്ഠയും തിരുവുത്സവവും നാളെ മുതൽ മേയ് അഞ്ചുവരെ നടക്കും. നാളെ രാവിലെ വിശേഷാൽ പൂജകൾക്കുശേഷം ഉച്ചയ്ക്ക് മൂന്നിന് കുന്നന്താനം ഗുരുദേവ ക്ഷേത്രത്തിൽ നിന്ന് ശ്രീനാരായണ ഗുരുദേവ പഞ്ചലോഹവിഗ്രഹ ഘോഷയാത്ര. 25നും 26നും വിശേഷാൽ പൂജകൾ. 27ന് രാവിലെ 11.30ന് താഴികക്കുടം പ്രതിഷ്ഠ. 12ന് പ്രസാദമൂട്ട്, വൈകിട്ട് 5ന് കൊടിക്കൂറ സമർപ്പണം. 28ന് രാവിലെ 10.30നും 11നും മദ്ധ്യേ ശിവഗിരി മഠാധിപതി സ്വാമി സച്ചിദാനന്ദയുടെയും ക്ഷേത്രംതന്ത്രി പെരുന്ന സന്തോഷ് തന്ത്രിയുടെയും മുഖ്യകാർമ്മികത്വത്തിൽ പഞ്ചലോഹവിഗ്രഹ പ്രതിഷ്ഠ നടക്കും. തുടർന്ന് ഗണപതി പ്രതിഷ്ഠയ്‌ക്ക് ശേഷം വിശേഷാൽ മഹാപൂജ. 12ന് സ്വാമി സച്ചിദാനന്ദയുടെ പ്രഭാഷണം. 12.30ന് അമൃതഭോജനം. 29ന് ഉച്ചയ്ക്ക് 12ന് പെരുന്ന സന്തോഷ് തന്ത്രിയുടെ മുഖ്യകാർമ്മികത്വത്തിൽ ധ്വജവാഹന പ്രതിഷ്ഠ. തുടർന്ന് അന്നദാനം.

30ന് വൈകിട്ട് മൂന്നിന് ക്ഷേത്രസമർപ്പണവും പൊതുസമ്മേളനം ഉദ്‌ഘാടനവും എസ്.എൻ.ഡി.പി.യോഗം ജനറൽസെക്രട്ടറി വെള്ളാപ്പള്ളി നടേശൻ നിർവഹിക്കും. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിക്കും. യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എഴുമറ്റൂർ ആമുഖപ്രസംഗവും യോഗം അസി.സെക്രട്ടറി പി.എസ്.വിജയൻ മുഖ്യപ്രഭാഷണവും നടത്തും. യൂണിയൻ സെക്രട്ടറി അനിൽ എസ്.ഉഴത്തിൽ സന്ദേശം നൽകും.പെരുന്ന സന്തോഷ് തന്ത്രി അനുഗ്രഹപ്രഭാഷണം നടത്തും. യൂണിയൻ വൈസ് പ്രസിഡന്റ് കെ.ജി.ബിജു, ശാഖാ പ്രസിഡന്റ് ബിജീഷ് വിജയൻ, സെക്രട്ടറി സദാനന്ദപണിക്കർ, വൈസ് പ്രസിഡന്റ് ഗോപിനാഥൻ, യൂണിയൻ കമ്മിറ്റിയംഗം സി.പി.കൃഷ്‌ണൻ എന്നിവർ സംസാരിക്കും. മേയ് ഒന്നിന് രാവിലെ 10ന് സ്വാമി ശിവബോധാനന്ദയുടെ പ്രഭാഷണം. 2ന് മഹാസർവൈശ്വര്യപൂജ വൈകിട്ട് 7.30ന് കൊടിയേറ്റ്. 2നും 3നും വിശേഷാൽ പൂജകൾ. നാലിന് 9ന് ധന്വന്തരിഹോമം, രാത്രി 8.30ന് നാടൻപാട്ട്. 5ന് വൈകിട്ട് 6ന് താലപ്പൊലി ഘോഷയാത്ര. തുടർന്ന് കൊടിയിറക്ക്.