ചെങ്ങന്നൂർ: എസ്.എൻ.ഡി.പി യോഗം 1152-ാം നമ്പർ തിരുവൻവണ്ടൂർ ശാഖയുടെ നേതൃത്വത്തിലുള്ള ഗുരുകൃപ പെയിൻ ആൻഡ് പാലീയേറ്റീവ് സെന്റർ, കിടപ്പുരോഗികളുടെ ക്ഷേമത്തിനായി ഗൃഹ കേന്ദ്രീകൃത പാലിയേറ്രീവ് പ്രവർത്തനം ആരംഭിക്കുന്നു. മേയ് 1ന് വൈകിട്ട് 3.30ന് തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ. അനന്തഗോപൻ ഉദ്ഘാടനം ചെയ്യും. എസ്.എൻ.ഡി.പി യോഗം ചെങ്ങന്നൂർ യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. യൂണിയൻ കൺവീനർ അനിൽ പി.ശ്രീരംഗം മുഖ്യപ്രഭാഷണം നടത്തും. തിരുവൻവണ്ടൂർ മേഖലാ കൺവീനർ കെ.ആർ ദേവരാജൻ, ശാഖായോഗം സെക്രട്ടറി സോമോൻ തോപ്പിൽ, വൈസ് പ്രസിഡന്റ് ശ്രീകല സുനിൽ, ചെങ്ങന്നൂർ ബ്ലോക്ക് പഞ്ചായത്ത് അംഗം രശ്മി സുഭാഷ്, തിരുവൻവണ്ടൂർ ഗ്രാമ പഞ്ചായത്ത് അംഗം ഗീതാ സുരേന്ദ്രൻ എന്നിവർ സംസാരിക്കും. ശാഖായോഗം പ്രസി‌‌ഡന്റ് ഹരി പത്മനാഭൻ സ്വാഗതവും ഗുരുകൃപ പെയിൻ ആൻഡ് പാലിയേറ്റീവ് വൈസ് ചെയർമാൻ സുകുമാരൻ കിഴക്കേ മാലിയിൽ നന്ദിയും പറയും.