ചെങ്ങന്നൂർ: ആദ്ധ്യത്മികമായ അറിവ് മനുഷ്യ ജീവിതത്തെ ശരിയായ മാർഗത്തിലേക്ക് നയിക്കുമെന്നും ഒരുകാലത്ത് നിലനിന്നിരുന്ന ജാതിയതയുടെ അന്ധകാരകാലത്തിൽ നിന്ന് കേരളത്തെ മോചിപ്പിച്ച് ദേവഭൂമിയാക്കി മാറ്റിയത് ശ്രീനാരായണ ഗുരുദേവനാണെന്നും എസ്.എൻ.ഡി.പി യോഗം യൂണിയൻ ചെയർമാൻ അനിൽ അമ്പാടി പറഞ്ഞു. ചെങ്ങന്നൂർ യൂണിയൻ 6191ാം നമ്പർ പേരിശേരി ശാഖയിലെ ഒന്നാമത് പേരിശേരി ശ്രീനാരായണ കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിൽ വിപ്ലവ പ്രസ്ഥാനങ്ങൾ പിറവിയെടുക്കുന്നതിന് മുൻപാണ് ഈ മാറ്രം ഗുരുദേവൻ കൊണ്ടുവന്നതെന്നും അദ്ദേഹം പറഞ്ഞു.

കൺവീനർ അനിൽ പി.ശ്രീരംഗം അദ്ധ്യക്ഷത വഹിച്ചു.
അഡ്. കമ്മിറ്റി അംഗങ്ങളായ ജയപ്രകാശ് തൊട്ടാവാടി, മോഹനൻ കൊഴുവല്ലൂർ, എസ്. ദേവരാജൻ, ശാഖാ പ്രസിഡന്റ് വി.കെ പ്രഭാകരൻ, വൈസ് പ്രസിഡന്റ് വി.കെ അനിൽകുമാർ,വനിതാസംഘം യൂണിയൻ വൈസ് പ്രസിഡന്റ് ശ്രീകുമാരി ഷാജി, സെക്രട്ടറി റീനാ അനിൽ, കോഓർഡിനേറ്റർ ശ്രീകലാ സന്തോഷ്, ട്രഷറർ സുഷമ്മ രാജേന്ദ്രൻ, കമ്മിറ്റി അംഗം ലതികാ പ്രസാദ്, കേന്ദ്രസമിതി അംഗം ശോഭന രാജേന്ദ്രൻ, യൂണിയൻ യൂത്ത് മൂവ്‌മെന്റ് സെക്രട്ടറി രാഹുൽരാജ്, യൂണിയൻ ധർമ്മസേനാ ചെയർമാൻ വിജിൻരാജ്, യൂണിയൻ വൈദിക യോഗം ചെയർമാൻ സൈജു. പി.സോമൻ, വൈസ് ചെയർമാൻ സജിത്ത് ശാന്തി എന്നിവർ സംസാരിച്ചു.
തുടർന്ന് ദീപാരാധനയും ദീപക്കാഴ്ചയും നടന്നു. ശ്രീനാരായണ ഗുരുദേവ കൃതികൾക്ക് ഒരാമുഖം എന്ന വിഷയത്തിൽ കോട്ടയം സൗമ്യ നിഷാദ് പ്രഭാഷണം നടത്തി. ഗുരുദേവ ദർശനം കുടുംബ ബന്ധങ്ങളിലൂടെ എന്ന വിഷയത്തിൽ ഇന്ന് വൈകിട്ട് 6.30ന് പാലക്കാട് ഗവ.വിക്ടോറിയാ കോളേജ് പ്രൊഫസർ ഡോ. ബിന്ദു ടീച്ചർ പ്രഭാഷണം നടത്തും . സമാപന ദിനമായ മേയ് ഒന്നിന് രാവിലെ 10ന് ആത്മോപദേശ ശതകം ഒരു പഠനം എന്ന വിഷയത്തിൽ പത്തിയൂർ ശശികുമാറും വൈകിട്ട് 6.30ന് ശിവഗിരി മഠം സ്വാമി അസംഗാനന്ദഗിരിയും പ്രഭാഷണം നടത്തും. രാത്രി 8.30ന് കോമഡി ഫെസ്റ്റിവൽ താരം മധുസാഗർ നയിക്കുന്ന മ്യൂസിക്കൽ ഫിഗർ നൈറ്റ് നടക്കും.