ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ മുഴുവൻ ശാഖാഭാരവാഹികളുടെയും പോഷക സംഘടനകളുടെ ശാഖാഭാരവാഹികളുടെയും സംയുക്തമായുള്ള സംഘടനാ സമ്മേളനം നാളെ ഉച്ചയ്ക്ക് 2ന് ചെങ്ങന്നൂർ വൈ.എം.സി.എ. ഹാളിൽ നടക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു. യോഗം വൈസ് പ്രസിഡന്റ് തുഷാർവെള്ളാപ്പള്ളി ഉദ്ഘാടനംചെയ്യും. യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. യോഗം കൗൺസിൽ അംഗങ്ങൾ, യൂത്ത്മൂവ്‌മെന്റിന്റെയും വനിതാസംഘത്തിന്റെയും കേന്ദ്രസമിതി അംഗങ്ങൾ, സൈബർസേന, വൈദികയോഗം, സംസ്ഥാന ഭാരവാഹികൾ എന്നിവർ മുഖ്യാതിഥികളായിരിക്കും. യോഗം കൗൺസിലർ കെ.ഡി.രമേശ് ആമുഖ പ്രഭാഷണവും യൂത്ത്മൂവ്‌മെന്റ് സംസ്ഥാന പ്രസിഡന്റ് സന്ദീപ് പച്ചയിൽ മുഖ്യപ്രഭാഷണവും നടത്തും. യൂണിയൻ അഡ്.കമ്മിറ്റി അംഗങ്ങളായ കെ.ആർ.മോഹനൻ, എസ്‌.ദേവരാജൻ, ബി.ജയപ്രകാശ് തൊട്ടാവാടി, സുരേഷ് വല്ലന, കെ.ആർ.മോഹനൻ കൊഴുവല്ലൂർ, അനിൽ കണ്ണാടി, യൂണിയൻ വനിതാസംഘം പ്രസിഡന്റ് ഐഷാ പുരുഷോത്തമൻ, സെക്രട്ടറി റീന അനിൽ, യൂണിയൻ യൂത്ത്മൂവ്‌മെന്റ് പ്രസിഡന്റ് ദേവദാസ് രവീന്ദ്രൻ, സെക്രട്ടറി രാഹുൽരാജ്, യൂണിയൻ സൈബർസേന ചെയർമാൻ പ്രദീപ് ചെങ്ങന്നൂർ, യൂണിയൻ ധർമ്മസേന കോഓഡിനേറ്റർ വിജിൻരാജ്, യൂണിയൻ വൈദികസമിതി ചെയർമാൻ സൈജു പി.സോമൻ, കൺവീനർ ജയദേവൻ കെ.വി. എന്നിവർ സംസാരിക്കും. യൂണിയൻ കൺവീനർ അനിൽ പി.ശ്രീരംഗം സ്വാഗതവും വൈസ്‌ചെയർമാൻ രാഖേഷ് പി.ആർ നന്ദിയും പറയും.