കൊല്ലം: അസോസിയേഷൻ ഒഫ് കൾച്ചറൽ ആൻഡ് ചാരിറ്റബിൾ ഓർഗനൈസേഷൻ (അക്കോക്ക്) ജില്ലാ കമ്മിറ്റിയുടെ നേതൃത്വത്തിൽ ലോക സമാധാനത്തിനായി മൺചെരാതുകളിൽ സ്നേഹദീപം തെളിയിച്ചു. കൊല്ലം റെഡ്ക്രോസ് ഹാളിന് മുന്നിൽ സംസ്ഥാന പ്രസിഡന്റ് കെ.സുരേഷ് കുമാർ ദീപം തെളിയിച്ച് ഉദ്ഘാടനം ചെയ്തു. സംസ്ഥാന സെക്രട്ടറി അബി ഹരിപ്പാട്, ജില്ലാ പ്രസിഡന്റ് അനിൽ ആഴാവീട്, സെക്രട്ടറി സന്തോഷ് തൊടിയൂർ, ട്രഷറർ ഷിബു റാവുത്തർ, അബ്ബാ മോഹൻ, സംഗീതജ്ഞൻ ആനയടി പ്രസാദ്, ആർ രവീന്ദ്രൻപിള്ള, രഞ്ജിത സുനിൽ, വിശ്വൻ കുടിക്കോട്, കൃഷ്ണ ഗോപാലൻ,റെഡ് ക്രോസ് സൊസൈറ്റി ഭാരവാഹികളായ അജയകുമാർ (ബാലു), ജോർജ്ജ്.എഫ്.സേവിയർ എന്നിവർ പങ്കെടുത്തു.