കൊല്ലം: കൊല്ലം ശ്രീനാരായണ വനിതാ കോളേജ് വിമൻ സെല്ലും കൊല്ലം സിറ്റി പൊലീസും സംയുക്തമായി എസ്.എൻ വിമൻസ് കോളേജ് വിദ്യാർത്ഥിനികൾക്കായി സെൽഫ് - ഡിഫൻസ് ട്രെയിനിംഗ് സംഘടിപ്പിച്ചു. കോളേജ് ഓഡിറ്റോറിയത്തിൽ നടന്ന പരിശീലന പരിപാടികളുടെ ഉദ്ഘാടനം സിറ്റി പൊലീസ് കമ്മിഷണർ ടി. നാരായണൻ നിർവഹിച്ചു. കോളേജ് പ്രിൻസിപ്പൽ ഡോ. നിഷ ജെ.തറയിൽ അദ്ധ്യക്ഷത വഹിച്ചു. അഡിഷണൽ പൊലീസ് സൂപ്രണ്ട് ജോസി ചെറിയാൻ, ഡിസ്ട്രിക്ട് ക്രൈം ബ്രാഞ്ച് അസിസ്റ്റന്റ് കമ്മിഷണർ സോണി ഉമ്മൻ കോശി, കോളേജ് വിമൻ സെൽ കോ ഓർഡിനേറ്റർ ഡോ. ശില്പ ശശാങ്കൻ, അസിസ്റ്റന്റ് പ്രൊഫ. ജെ. വീണ എന്നിവർ സംസാരിച്ചു. സീനിയർ സിവിൽ പൊലീസ് ഓഫീസർ രജീനാ ബീവിയുടെ നേതൃത്വത്തിൽ സെൽഫ് ഡിഫൻസിൽ വിദ്യാർത്ഥിനികൾക്കായി പരിശീലനം നടത്തി.