ചാത്തന്നൂർ :കെ-റെയിൽ വേണ്ട കേരളം മതി എന്ന മുദ്രാവാക്യവുമായി യു.ഡി.എഫ് സംസ്ഥാന കമ്മിറ്റി സംഘടിപ്പിക്കുന്ന സമരപരിപാടികളുടെ ഭാഗമായി ചാത്തന്നൂർ നിയോജക മണ്ഡലം കമ്മിറ്റി നടത്തുന്ന ജനകീയ സദസ് ഇന്ന് വൈകിട്ട് 4ന് പാരിപ്പള്ളി ജംഗ്ഷനിൽ രമേശ് ചെന്നിത്തല ഉദ്ഘാടനം ചെയ്യും. യു.ഡി.എഫ് ചാത്തന്നൂർ നിയോജക മണ്ഡലം ചെയർമാൻ നെടുങ്ങോലം രഘു അദ്ധ്യക്ഷത വഹിക്കും. എൻ.കെ. പ്രേമചന്ദ്രൻ എം.പി, ഡി.സി.സി പ്രസിഡന്റ് പി.രാജേന്ദ്രപ്രസാദ്, യു.ഡി.എഫ് ജില്ലാ ചെയർമാൻ കെ.സി. രാജൻ, കൺവീനർ അഡ്വ. രാജേന്ദ്രപ്രസാദ് തുടങ്ങിയവർ പങ്കെടുക്കുമെന്ന് ചാത്തന്നൂർ നിയോജക മണ്ഡലം സെക്രട്ടറി പാരിപ്പള്ളി വിനോദ് അറിയിച്ചു.