കൊല്ലം: സംസ്ഥാന മന്ത്റിസഭാ വാർഷികാഘോഷത്തിന്റെ ഭാഗമായി 25ന് ആശ്രാമം മൈതാനത്ത്

ഒരുലക്ഷത്തോളം ചതുരശ്ര അടി വിസ്തീർണത്തിൽ തയ്യാറാക്കുന്ന ശീതീകരിച്ച പന്തലിൽ പ്രദർശന, വിപണനമേള ഒരുക്കുമെന്ന് കളക്ടർ അഫ്സാന പർവീൺ പറഞ്ഞു. പ്രവേശനം സൗജന്യമാണ്. കലാപരിപാടികൾക്കായി വലിയ സ്ഥിരം സ്​റ്റേജും സജ്ജമാക്കും. മൈതാനത്തിന്റെ വിസ്തൃതി പരമാവധി പ്രയോജനപ്പെടുത്തിയാകും മേളയുടെ സംഘാടനം.
ഭൗതിക സാഹചര്യങ്ങൾ ഒരുക്കുന്ന ചവറ ഇന്ത്യൻ ഇൻസ്​റ്റിറ്റ്യൂട്ട് ഒഫ് ഇൻഫ്രാസ്ട്റക്ചർ ആൻഡ് കൺസ്ട്രറക്ഷൻ ഡയറക്ടർ പ്രൊഫ. ബി. സുനിൽ കുമാർ, ഡെപ്യൂട്ടി ഡയറക്ടർ കെ. രാഘവൻ, ജില്ലാ പ്രോഗ്രാം കോ​ ഓർഡിനേ​റ്റർ അനിൽ കുമാർ, ജില്ലാ വികസന കമ്മിഷണർ ആസിഫ് കെ.യൂസഫ്, എ.ഡി.എം എൻ. സാജിതാ ബീഗം, സംഘാടക സമിതി കൺവീനർ കൂടിയായ ജില്ലാ ഇൻഫർമേഷൻ ഓഫീസർ എസ്.എസ്. അരുൺ തുടങ്ങിയവരും ഒപ്പമുണ്ടായിരുന്നു.