കൊല്ലം: ജില്ലാ പഞ്ചായത്ത് ഓഫീസ് പടിക്കൽ ഗവ. കരാറുകാരുടെ സംയുക്ത സംഘടന നടത്തിയ ധർണ ഓൾ കേരള ഗവ. കോൺ​ട്രാക്ടേഴ്സ് അസോ. സംസ്ഥാന പ്രസിഡന്റ് വർഗ്ഗീസ് കണ്ണമ്പള്ളി​ ഉദ്ഘാടനം ചെയ്തു. ജില്ലാ പ്രസിഡന്റ് അജിത് പ്രസാദ് ജയൻ അദ്ധ്യക്ഷത വഹി​ച്ചു.

ജില്ലാ പഞ്ചായത്തിൽ പണി പൂർത്തീകരിച്ച് മാർച്ച് 30 ന് മുമ്പ് സമർപ്പിക്കപ്പെട്ട 34 ബില്ലുകൾ ഉദ്യോഗസ്ഥരുടെ അനാസ്ഥ മൂലം പാസായില്ലെന്ന് വർഗ്ഗീസ് കണ്ണമ്പള്ളി​ പറഞ്ഞു. ഇത് ജില്ലയിലെ കരാറുകാരെ തളർത്തിയിരിക്കുകയാണ്. ഉദ്യോഗസ്ഥ തലത്തിലുണ്ടായ വീഴ്ച അന്വേഷിക്കാൻ മന്ത്രിതലത്തിൽ പരാതി നൽകും. പ്രശ്നം പരിഹരിച്ചി​ല്ലെങ്കി​ൽ നിയമനടപടികളിലേക്ക് നീങ്ങും. സംസ്ഥാനത്തെ ഗവ. കരാറുകാർ നേരിടുന്ന അമിത വിലവർദ്ധന അടക്കമുള്ള പ്രശ്നങ്ങൾ സർക്കാർ തലത്തിൽ ചർച്ച ചെയ്ത് പരി​ഹരി​ക്കണം. 30 മുൻപ് ഉറപ്പ് പാലിച്ചി​ല്ലെങ്കി​ൽ മേയ് മുതൽ പ്രത്യക്ഷ സമര പരിപാടികളുമായി മുന്നോട്ട് പോകുമെന്നും അദ്ദേഹം പറഞ്ഞു. ജില്ലാ എക്സിക്യുട്ടീവ് അംഗങ്ങളായ പി. നുജൂം, എ.കെ. ഷംസുദ്ദീൻ, മൻമഥൻ പിള്ള, സത്യരാജൻ എന്നിവർ സംസാരി​ച്ചു. അസോ.കൊട്ടാരക്കര താലൂക്ക് സെക്രട്ടറി എസ്. രാജു സ്വാഗതവും പി.എച്ച്. റഷീദ് നന്ദിയും പറഞ്ഞു.