ഇ​ര​വി​പു​രം: കൊ​ല്ലം കോർ​പ്പ​റേ​ഷ​നി​ലെ കൊ​ല്ലൂർ​വി​ള ഡി​വി​ഷ​നിൽ​പ്പെ​ട്ട വൈ മു​ക്ക് ​ പോ​സ്റ്റ് ഓ​ഫീ​സ് ജം​ഗ്​ഷൻ റോ​ഡി​ൽ ഓ​ട​യു​ടെ മേൽ​മൂ​ടി​ ത​കർ​ന്നു കാൽനട യാത്രക്കാരും ഇരുചക്ര വാഹനങ്ങളും അപകടത്തി​ൽപ്പെട്ടി​ട്ടും അധി​കൃതർ കണ്ടഭാവം നടി​ക്കുന്നി​ല്ല.

വൈ മു​ക്കി​ന​ടു​ത്ത് റോ​ഡ് ആ​രം​ഭി​ക്കു​ന്ന ഭാ​ഗ​ത്താണ് ഓടയുടെ മേൽമൂടി​ ത​കർ​ന്നു കി​ട​ക്കു​ന്ന​ത്. റോ​ഡി​ന്റെ മദ്ധ്യ​ഭാ​ഗ​ത്തു കൂ​ടി​യാ​ണ് ഓ​ട പോ​കു​ന്ന​ത്. സ്ലാ​ബ് ത​കർ​ന്ന് ക​മ്പി​ പു​റ​ത്തേ​ക്ക് ത​ള്ളി നിൽ​കു​ന്ന നി​ല​യി​ലാ​ണ്. അ​പ​ക​ട​ങ്ങൾ പ​തി​വാ​യ​തോ​ടെ നാ​ട്ടു​കാർ ഒ​രു സ്​കൂ​ട്ട​റി​ന്റെ അ​വ​ശി​ഷ്ട​ങ്ങൾ സ്ലാ​ബ് ത​കർ​ന്ന ഭാ​ഗ​ത്ത് അപായ സൂചനയെന്നോണം വ​ച്ചി​രി​ക്കു​ക​യാ​ണ്. വി​വ​രം പ​ല ത​വ​ണ കൗൺ​സി​ല​റു​ടെ ശ്ര​ദ്ധ​യിൽ​പ്പെ​ടു​ത്തി​യെ​ങ്കി​ലും യാ​തൊ​രു ന​ട​പ​ടി​യും ഉ​ണ്ടാ​യി​ല്ലെ​ന്ന് നാ​ട്ടു​കാർ പ​റ​യു​ന്നു.

പൊട്ടി​യ സ്ലാ​ബിന​ടു​ത്തു​ള്ള ഒ​രു മ​തിൽ ത​കർ​ന്നു വീ​ണ് അ​ടു​ത്തി​ടെ ഒ​രാ​ളു​ടെ കാ​ലി​ന് ഗു​രു​ത​ര പ​രി​ക്കേ​റ്റി​രു​ന്നു. ത​കർ​ന്നു കി​ട​ക്കു​ന്ന മേൽ​മൂ​ടി മാ​റ്റി സ്ഥാ​പിക്കാൻ കോർ​പ്പ​റേ​ഷൻ അ​ധി​കൃ​ത​രു​ടെ ഭാ​ഗ​ത്തു നി​ന്നു അ​ടി​യ​ന്തി​ര ന​ട​പ​ടി​കൾ ഉ​ണ്ടാ​ക​ണ​മെന്ന് നാട്ടുകാർ ആവശ്യപ്പെടുന്നു.