ചാ​ത്ത​ന്നൂർ: ജെ.എ​സ്.എം കി​ണ​റു​മു​ക്ക്- എ​സ്.എൻ കോ​ളേ​ജ് ദേ​വി സ്​കൂൾ റോ​ഡ് പ​ണി​തി​ട്ടും പണി​തി​ട്ടും 'പരി​ക്കൊ'ഴി​യുന്നി​ല്ല.
നി​രവധി​ കോൺ​ട്രാക്ടർമാർ കൈവച്ചി​ട്ടുള്ള റോഡ് ആ​റു മാ​സം തി​ക​യു​ന്ന​തി​ന് മു​മ്പ് പൊട്ടി​പ്പൊളി​യുന്നതാണ് പതി​വ്.

നാ​ട്ടു​കാ​രു​ടെ നി​ര​ന്ത​ര പ​രാ​തി​യെത്തുടർന്ന് 2017 ൽ പ്ര​ധാ​ന​മ​ന്ത്രി ഗ്രാ​മ സ​ഡ​ക് യോ​ജ​ന പ്രകാരം, 1.69 കി​ലോ​മീ​റ്റർ ദൂ​രമുള്ള റോഡി​ന് റോ​ഡി​നു 1.15 കോടി അനുവദിക്കുകയും തുടർന്ന് പ​ണി ആ​രം​ഭി​ക്കു​ക​യും ചെ​യ്​തു. 2018 മു​തൽ 2023 വ​രെ ഓരോ ​വർ​ഷ​വും അറ്റകുറ്റപ്പണിക്കായി 10.25 ലക്ഷം അനുവദിച്ചു. വ​ശ​ങ്ങ​ളി​ലെ കാ​ട് വെട്ടാനും റോ​ഡിലെ വെ​ള്ള​ക്കെ​ട്ടു​കൾ നീ​ക്കം ചെയ്യാനുമാണ് ഈ തുക നീക്കിവച്ചിരിക്കുന്നത്. വർ​ഷ​ത്തിൽ ര​ണ്ടു​ത​വ​ണ ക​ലു​ങ്കു​ക​ളും ഓ​ട​ക​ളും വൃ​ത്തിയാക്കാനും ക​ലുങ്കു​ക​ളു​ടെ പാർ​ശ്വ​ഭി​ത്തി വെ​ള്ള​പൂ​ശാനും ഈ ഫണ്ടിൽ നിന്നുതന്നെ ചെലവഴിക്കണം.

നിലവിൽ റോഡിന്റെ വശങ്ങൾ കാടുമൂടിയും ഓടകൾ മണ്ണുമൂടിയും കിടക്കുകയാണ്. റോഡിൽ പലേടത്തും കുഴികൾ രൂപപ്പെട്ടിട്ടുണ്ട്. എന്നാൽ ഇവയ്ക്കു വേണ്ടി തുക വിനിയോഗിക്കാൻ അധികൃതർ തയ്യാറാവുന്നില്ലെന്നാണ് നാട്ടുകാരുടെ പരാതി.

 കുഴിയിൽ ചാടുമെന്നുറപ്പ്

മാ​സ​ങ്ങൾ​ക്ക് മുൻ​പ് റോ​ഡി​ന്റെ മ​ദ്ധ്യ​ഭാ​ഗ​ത്ത് കു​ടി​വെ​ള്ള പൈ​പ്പ് ലൈൻ പൊ​ട്ടി റോ​ഡിൽ വെ​ള്ള​ക്കെ​ട്ട് ഉ​ണ്ടായപ്പോൾ ഗതാഗത നിരോധനം വരെ ഏർപ്പെടുത്തേണ്ടി വന്നു. എ​ന്നാൽ ഇ​തു​വ​രെ കു​ഴി​യ​ട​യ്​ക്കാൻ അ​ധി​കൃ​തർ ത​യ്യാ​റാ​യിട്ടില്ല.
ഒ​രു കോ​ടി​യിൽ കൂ​ടു​തൽ ചെ​ല​വാ​ക്കിയി​ട്ടും അപകടമില്ലാതെ ഈ ഭാഗത്ത് യാത്ര ബുദ്ധിമുട്ടാണ്. എന്നെങ്കിലും ഈ റോഡിന് ശാപമോക്ഷം കിട്ടുമോ എന്നാണ് നാട്ടുകാരുടെ ചോദ്യം.