കൊല്ലം: കൊല്ലം നഗരത്തെ ലോക നിലവാരത്തിലേക്ക് ഉയർത്തുകയെന്ന ലക്ഷ്യത്തോടെ കോർപ്പറേഷൻ തയ്യാറാക്കിയ മാസ്റ്റർ പ്ലാനിന്റെ കരടു നിർദ്ദേശങ്ങൾ കൗൺസിലിൽ അവതരിപ്പിച്ചു. 20 വർഷം മുന്നിൽ കണ്ട് അമൃത് പദ്ധതിയിൽ ഉൾപ്പെടുത്തി നിർദ്ദേശങ്ങൾ നടപ്പാക്കുകയാണ് ലക്ഷ്യം. ജി.ഐ.എസ് സാങ്കേതിക വിദ്യയുടെ സഹായത്തോടെ ഡിജിറ്റൽ മാപ്പിലാണ് വികസന സ്വപ്നങ്ങൾ അടയാളപ്പെടുത്തിയിരിക്കുന്നത്. ചർച്ചകൾക്ക് സേഷം സർക്കാരിന്റെ അംഗീകാരത്തിന് സമർപ്പിക്കും.
# റോഡുകൾക്ക് വീതി കൂട്ടും
ചിന്നക്കട റയിൽവേ മേൽപ്പാലത്തിനോട് ചേർന്ന് ബസ് സ്റ്റാൻഡ്, മൾട്ടി ലെവൽ പാർക്കിംഗ്, ഇലക്ട്രിക് ചാർജിംഗ് സ്റ്റേഷൻ, ഷെയർ സൈക്കിൾ പാർക്കിംഗ്
ചിന്നക്കട, കോളേജ്, അയത്തിൽ ജംഗ്ഷനുകളുടെ വികസനം
ഔട്ടർ റിംഗ് റോഡുകൾ 21- 45 മീറ്ററും ഇന്നർ റിംഗ് റോഡുകൾ 18- 25 മീറ്ററും റേഡിയൽ റോഡുകൾ 21- 25 മീറ്ററും ലിങ്ക് റോഡുകൾ 12- 21 മീറ്ററും വരെ വീതി കൂട്ടൽ
മങ്ങാടിനടുത്ത് ട്രക്ക് പാർക്കിംഗ്, ഗോഡൗൺ, പെട്രോൾ പമ്പ് തുടങ്ങിയ സൗകര്യങ്ങളുള്ള ട്രക്ക് ടെർമിനൽ
കണ്ടച്ചിറയിൽ ആംഫി തിയേറ്റർ, ബഫർ ഏരിയ, പക്ഷികളുടെ ആവാസ കേന്ദ്രം, സാംസ്‌കാരിക വാണിജ്യകേന്ദ്രം തുടങ്ങിയ സൗകര്യങ്ങളുള്ള ടൂറിസം കേന്ദ്രം
ബീച്ചിന് സമീപം എക്‌സിബിഷൻ സെന്റർ, വിനോദകേന്ദ്രം, മറൈൻ പ്ലാന്റ്, അക്വേറിയം എന്നിവയടങ്ങിയ കേന്ദ്രം.
ആശ്രാമത്ത് പൈതൃകത്തെരുവ്
കുരീപ്പുഴ ചണ്ടി ഡിപ്പോയിൽ ശുചിത്വ പാർക്ക്