പരവൂർ: പരവൂർ നഗരത്തിൽ തെരുവ് നായ ശല്യം രൂക്ഷമായതോടെ ജനം ഭീതിയിൽ. വീട്ടിൽ കയറി പിഞ്ചു കുഞ്ഞുങ്ങളെയും സ്ത്രീകളെയും നായ്ക്കൾ ആക്രമിക്കുന്ന സംഭവങ്ങൾ തുടർക്കഥയാവുകയാണ്.

നായ്ക്കളെ പിടികൂടാൻ അധി​കൃതരുടെ ഭാഗത്തുനി​ന്ന് ഇതുവരെ നടപടിയുണ്ടായിട്ടില്ല. രാത്രിയിൽ നായ്ക്കൾ റോഡും വീട്ടുപരിസരങ്ങളും കൈയടക്കുന്ന അവസ്ഥയാണ്. വഴിയാത്രക്കാർക്കും വാഹന യാത്രക്കാർക്കും ഭീഷണി​യായി​രി​ക്കുകയാണ് നായ്ക്കൾ. ഇവ വളർത്തു മൃഗങ്ങളെയും കടിച്ചു പരിക്കേൽപ്പി​ക്കുന്നുണ്ട്.പരവൂർ താലൂക്ക് ആശുപത്രിയിൽ മൂന്ന് മാസത്തിനിടെ 150 ഓളം പേർ തെരുവ് നായകക്കളുടെ കടിയേറ്റ് ചികിത്സ തേടിയിട്ടുണ്ട്. തെരുവ് നായ് ജനന നിയന്ത്രണം നഗരസഭയിൽ ഇതുവരെ നടപ്പാക്കിയിട്ടില്ല. എന്നാൽ സമീപ പഞ്ചായത്തുകളിൽ പദ്ധതി നടപ്പാക്കി. പരവൂരിൽ എല്ലാ ബഡ്ജറ്റുകളിലും പണം വകയിരുത്താറുണ്ടെങ്കി​ലും പദ്ധതി​ പ്രാബല്യത്തി​ൽ വരുത്തി​യി​ട്ടി​ല്ല.