കൊട്ടിയം: എസ്.എൻ.ഡി.പി യോഗം പാലത്തറ 1091-ാം ശാഖയുടെ ആഭിമുഖ്യത്തിൽ ഇന്ന് വൈകിട്ട് 4ന് ചേരുന്ന പ്രതിഭാസംഗമ സമ്മേളനം എസ്.എൻ.ഡി.പിയോഗം കൊല്ലം യൂണിയൻ പ്രസിഡന്റ് മോഹൻ ശങ്കർ ഉദ്ഘാടനം ചെയ്യും. യൂണിയൻ സെക്രട്ടറി എൻ.രാജേന്ദ്രൻ പ്രതിഭകളെ ആദരിക്കും.ശാഖാ പ്രസിഡന്റ് ആർ.രാജേഷ് അദ്ധ്യക്ഷത വഹിക്കും. ഡോ.എം.ശാർങധരൻ വിദ്യാഭ്യാസ അവാർഡും പഠനോപകരണ വിതരണവും നിർവഹിക്കും. ശാഖാസെക്രട്ടറി സി.രാജേന്ദ്രൻ, യൂണിയൻ വനിതാസംഘം സെക്രട്ടറി ഷീലാ നളിനാക്ഷൻ, വാർഡ് കൗൺസിലർമാരായ എ.അനീഷ് കുമാർ, നെസീമ ഷിഹാബ്, എസ്.എൻ.ഡി.പിയോഗം കൊല്ലം യൂണിയൻ മേഖലാ കൺവീനർ എം.സജീവ്, യൂത്ത് മൂവ്മെന്റ് യൂണിയൻ പ്രസിഡന്റ് രഞ്ജിത്ത് രവീന്ദ്രൻ, പാലത്തറ ശാഖ വനിതാസംഘം പ്രസിഡന്റ് രജിതാരാജേന്ദ്രൻ, യൂണിയൻ പ്രതിനിധി എസ്.സുധീർ എന്നിവർ സംസാരിക്കും. ജിജോ ജയകുമാർ ഗുരുസ്മരണ നടത്തും. ശാഖാപ്രസിഡന്റ് ആർ.രാജേഷ്, വൈസ് പ്രസിഡന്റ് എസ്.അനു(അയ്യപ്പൻ), ശാഖാസെക്രട്ടറി സി.രാജേന്ദ്രൻ, ശാഖായൂണിയൻ പ്രതിനിധി എസ്.സുധീർ, ശാഖാ കമ്മിറ്റി അംഗങ്ങളായ പി.ബിനു, എസ്. മഹേഷ് കുമാർ, ബി.ചന്ദ്രഭാനു, ആർ.രതീഷ്, ബി.ടി.അരുൺ (അജി), ജി.പ്രദീപ് കുമാർ (ലാല), ആർ.കിരൺ, എൻ.ഹരിലാൽ, എസ്.സജിലാൽ എന്നിവർ നേതൃത്വം നൽകും.

സിവിൽ സർവ്വീസ് പരീക്ഷയിൽ ഉന്നത വിജയം നേടിയ സബ്കളക്ടർ എം.എസ്. മാധവിക്കുട്ടി, കേരളകൗമുദി കൊല്ലം മുൻ ബ്യൂറോ ചീഫും മാധ്യമ പുരസ്കാര ജേതാവുമായ സി.വിമൽകുമാർ, വിവിധ മേഖലക ളിൽ ഡോക്ടറേറ്റ് ലഭിച്ച ഡോ.എൻ.വിനോദ് ലാൽ (ബിസിനസ് മാനേജ് മെന്റ്), ഡോ. സജീവ് ജലാധരൻ (ബിയോ ഇൻഫർമേറ്റിക്സ്), ഡോ. റാണി രാജീവൻ (ഗണിതശാസ്ത്രം), ഡോ. എം.എസ്. ദിവ്യ (സുവോളജി), ഡോ. രമ്യ ജയചന്ദ്രൻ ( ഇലക്ട്രോണിക്സ് ആൻഡ് കമ്മ്യൂണിക്കേഷൻസ്), ഡോ. എ. വൈശാഖ് (മൈക്രോബയോളജി), എം.ഡി പരീക്ഷയിൽ പാതോളജിയിൽ ഒന്നാം റാങ്കും ഗോൾഡ് മെഡലും നേടിയ ഡോ.സ്വാതി എസ്. ലാൽ, ഇന്ത്യൻ ബുക്ക് ഒഫ് റെക്കാഡ്സിൽ സ്ഥാനം നേടിയ വി.വി. വൃന്ദാഭായി, മുൻ ശാഖാ പ്രസിഡന്റ് ബിജുലാൽ,​ മുതിർന്ന മുൻ ശാഖാകമ്മിറ്റി അംഗങ്ങളായ പ്രൊഫ. ബി.വിജയലാൽ, കെ. രാധാകൃഷ്ണൻ, പി. ഗോപാലകൃഷ്ണൻ, കെ. മണിലാൽ, കെ. മോഹൻദാസ് തുടങ്ങിയവരെ ആദരിക്കും. 10, 12 ക്ലാസ്സുകളിൽ എല്ലാ വിഷയങ്ങൾക്കും എ പ്ളസ് വാങ്ങിയ ശാഖാഅംഗങ്ങളുടെ മക്കൾക്ക് കാഷ് അവാർഡും 50 വിദ്യാർത്ഥികൾക്ക് പഠനോപകരണങ്ങളും നൽകും.