കൊല്ലം: കേരള കശുഅണ്ടി തൊഴിലാളി കോൺഗ്രസ് നേതൃത്വത്തിൽ സംസ്ഥാന കശുഅണ്ടി കോർപ്പറേഷനും കാപ്പെക്‌സിനും സ്വകാര്യമേഖലയ്ക്കും കീഴി​ൽ മാസങ്ങളായി അടഞ്ഞു കിടക്കുന്ന ഫാക്ടറികളി​ലെ തൊഴിലാളികൾക്കു അടിയന്തിരമായി 5,000 രൂപ ഇടക്കാലാശ്വാസം കൊടുക്കുക, ഇ.എസ്‌.ഐ, പി.എഫ്, ക്ഷേമനിധി ആനുകൂല്യങ്ങളും കുടിശ്ശിക ബോണസും അടിയന്തിരമായി വിതരണം ചെയ്യുക തുടങ്ങി​യ ആവശ്യങ്ങൾ ഉന്നയി​ച്ച് കശുഅണ്ടി​ തൊഴി​ലാളി​ കോൺ​ഗ്രസ് (ഐ.എൻ.ടി​.യു.സി​) നേതൃത്വത്തി​ൽ കൊട്ടി​യം കെ.എസ്.സി​.ഡി​.സി​ ഫാക്ടറി​ക്കു മുന്നി​ൽ ധർണ നടത്തി​. സംസ്ഥാന വർക്കിംഗ് പ്രസിഡന്റ് മംഗലത്ത് രാഘവൻ നായർ ഉദ്ഘാടനം ചെയ്തു. മുഖത്തല മണികണ്ഠൻ അദ്ധ്യക്ഷത വഹിച്ചു. മുഖത്തല ഗോപിനാഥൻ മുഖ്യപ്രഭാഷണം നടത്തി​. സജി തഴുത്തല, ശിവരാമൻപിള്ള, ഗിരിജ, ഷീബ, കോടൻവിള സുരേഷ്ബാബു, ലീലാമണി, ഗീതാകുമാരി, ലാലി, നബീസത്ത് ബീവി, ശാരദ,ബേബി എന്നിവർ സംസാരി​ച്ചു.