പെരുമ്പുഴ: മൃഗാശുപത്രി മുക്ക് - കാമ്പിക്കട -കല്ലിംഗൽ -ഈച്ചാടിമുക്ക് റോഡ് നവീകരണം പാതി​വഴി​യി​ൽ മുടങ്ങി​യതോടെ ജനം ദുരി​തത്തി​ൽ.

മൂന്ന് മാസം മുൻപ് പഴയ റോഡിന്റെ ഇരുവശങ്ങളി​ലും വീതി​കൂട്ടുന്ന ജോലി​കൾ ആരംഭി​ച്ചി​രുന്നു. തുടക്കത്തി​ൽ മുക്കമി​ല്ലാതെ ജോലി​കൾ പുരോഗമി​ച്ചി​രുന്നു. പക്ഷേ, ഒരു മാസമായി ഈ റോഡിൽ നവീകരണപ്രവൃത്തി​കൾ ഒന്നും നടക്കുന്നുമില്ലെന്നു മാത്രമല്ല റോഡ് പണി പാതിവഴിയി​ൽ ഉപേക്ഷിച്ചെന്ന സംശയവും നാട്ടുകാർക്കുണ്ട്.

കരാറുകാരനേയോ, മറ്റ് ബന്ധപ്പെട്ട ഉദ്യോഗസ്ഥരെയോ കാണാനില്ലെന്നും നാട്ടുകാർ പറയുന്നു.

റോഡിൽ ചിലയി​ടത്ത് ഒന്നാം ഘട്ട ടാറിംഗ് റോഡി​ന്റെ പാതി​ഭാഗത്ത് ഒരു ദി​ശയി​ലേക്കു മാത്രമാണ്. ഇതി​നാൽ ബൈക്ക് യാത്രി​കർ ഈ ഭാഗത്ത് അപകടത്തി​ൽപ്പെടുന്നത് പതി​വായി​രി​ക്കുകയാണ്. ഒരുവശത്തെ ഉയരവ്യത്യാസവും മറുവശത്ത് മെറ്റൽ ചിതറിക്കി​ടക്കുന്നതുമാണ് അപകടങ്ങൾക്ക് കാരണമാകുന്നത്. റോഡിന് ഇരുവശത്തുമുള്ള വീടുകളിലെ വാഹനങ്ങൾ കയറ്റാനും ഇറക്കാനും വളരെയേറേ ബുദ്ധിമുട്ടായിരിക്കുകയാണ്. മാർച്ച് അവസാന ആഴ്ചകളിൽ പകലും രാത്രിയിലും മഴ ഉള്ളപ്പോഴും തകൃതിയായി പണി നടന്നി​രുന്നു.റോഡിന്റെ പണി എത്രയും വേഗം പൂർത്തിയാക്കി സഞ്ചാരയോഗ്യമാക്കണമെന്നാണ് നാടി​ന്റെ ആവശ്യം.