ചാലക്കുടി: അടിപ്പാത നിർമ്മാണത്തിലെ അനാസ്ഥക്കെതിരെ എ.ഐ.വൈ.എഫ് മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ ജ്വാല സംഘടിപ്പിച്ചു. തുടർന്ന് നടന്ന പ്രതിഷേധ യോഗം ജില്ലാ വൈസ് പ്രസിഡന്റ് പി.വി. വിവേക് ഉദ്ഘാടനം ചെയ്തു. മണ്ഡലം പ്രസിഡന്റ് പി.സി. സജിത്ത് അദ്ധ്യക്ഷത വഹിച്ചു. സെക്രട്ടറി എം.ഡി. പ്രവീൺ, സി.പി.ഐ ലോക്കൽ സെക്രട്ടറി അനിൽ കദളിക്കാടൻ, മണ്ഡലം ജോയിന്റ് സെക്രട്ടറി പി.സി. അയ്യപ്പൻ, കെ.എസ്. സുനോജ്, വൈസ് പ്രസിഡന്റ് ശ്യാമ സജീവൻ, ബൈജു അമ്പഴക്കാടൻ, പി.എസ്. രോഹിത്ത്, പോൾരാജ്, കെ.ജി. നിധീഷ് എന്നിവർ സംസാരിച്ചു.