വടക്കാഞ്ചേരി: പാർളിക്കാട് നടരാജഗിരിയിൽ 1925 ൽ ഗുരുദേവൻ പ്രതിഷ്ഠ നടത്തിയ ക്ഷേത്രവും പ്രകൃതി രമണീയമായ പ്രദേശവും ഗുരുദേവൻ വന്നിരുന്ന പാറയും ഉൾപ്പെടുന്ന പ്രദേശം ടൂറിസം മാപ്പിൽ ഉൾപ്പെടുത്താൻ നടപടി സ്വീകരിക്കുമെന്ന് മന്ത്രി കെ. രാധാകൃഷ്ണൻ അറിയിച്ചു. ത​ല​പ്പി​ള്ളി​ ​എ​സ്.​എ​ൻ.​ഡി.​പി​ ​യൂ​ണി​യ​ൻ​ ​പാ​ർ​ളി​ക്കാ​ട് ​ന​ട​രാ​ജ​ഗി​രി​ ​ബാ​ല​സു​ബ്ര​ഹ്മ​ണ്യ​ ​ക്ഷേ​ത്ര​ത്തി​ൽ​ ​നി​ർ​മ്മി​ച്ച​ ​പു​തി​യ​ ​ക്ഷേ​ത്ര​ത്തി​ൽ​ ​ഗു​രു​ദേ​വ​ ​പ്ര​തി​ഷ്ഠ​യ്ക്കു​ശേ​ഷം​ ​ന​ട​ന്ന​ ​സാം​സ്‌​കാ​രി​ക​ ​സ​മ്മേ​ള​നം​ ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം. ഏറെ ഭംഗിയുള്ളതും പ്രകൃതി രമണീയവുമായ ഈ പ്രദേശം പഴയ പോലെ തന്നെ സംരക്ഷിച്ചു പോരുന്നുണ്ട്. പണ്ട് താൻ വ്യാസ കോളേജിൽ പഠിക്കുമ്പോൾ വീണു കിട്ടുന്ന സമയമെല്ലാം പാർളിക്കാടുള്ള നടരാജഗിരി ക്ഷേത്ര പരിസരത്ത് കൂട്ടുകാരോടൊപ്പം പങ്കിടാറുണ്ടെന്നും അദേഹം പറഞ്ഞു. യൂണിയൻ ഭാരവാഹികളും ഈ പ്രദേശം ടൂറിസം മാപ്പിൽ ഉൾപ്പെടുത്തണമെന്ന് ആവശ്യപ്പെട്ടിരുന്നു.