പാവറട്ടി: കേരളത്തിലെ പ്രസിദ്ധ തീർത്ഥാടന കേന്ദ്രമായ പാവറട്ടി വിശുദ്ധ യൗസേപ്പിതാവിന്റെ തീർത്ഥകേന്ദ്രത്തിൽ തിരുനാളിന് കൊടികയറി. തിരുനാൾ കൊടിയേറ്റം കാലത്ത് 5.30 ന്റെ കുർബാനയ്ക്കു ശേഷം തീർത്ഥകേന്ദ്രം റെക്ടർ റവ.ഫാ.ജോൺസൺ ഐനിക്കൽ നിർവഹിച്ചു. റവ.ഫാ.ഷിന്റോ മാറോക്കി , റവ.ഫാ.ഹേഡ്‌ലി നീലങ്കാവിൽ, ട്രസ്റ്റിമാരായ വി.എസ്. സെബി, ഒ.ജെ. ജസ്റ്റിൽ, ലെസ്ലി ജോസഫ്, എ.ജെ. ജോയ് എന്നിവർ പരിപാടികൾക്ക് നേത്യത്വം നൽകി. തിരുനാളിന് ഒരുക്കമായുള്ള നവനാൾ കുർബാന തിരുനാൾ ദിവസം വരെ രാവിലെ 5.30 ന് അർപ്പിക്കപ്പെടും. മെയ് 6, 7, 8 തീയതികളിലാണ് പ്രസിദ്ധമായ പാവറട്ടി തിരുനാൾ.